Курс для маладых журналістаў «Майстэрства пераканання» (дэдлайн — 10 студзеня)
2 студзеня 2024
Беларускі дом у Варшаве ладзіць афлайн-курс па стратэгіях камунікацый. Запрашаюць маладых журналістаў і журналістак, якія працуюць з тэмамі місінфармацыі, дэзінфармацыі і раскрыццём фэйк-ньюс.
Гэты аўтарскі адукацыйны курс Аляксея Бурносенкі падрыхтаваны спецыяльна для Беларускага Дома. Аляксей Бурносенка — карпаратыўны кансультант і бізнэс-трэнер з ухiлам на тэхніках перамоваў, камунікацыі і прэзентацыі. Спецыяліст па падрыхтоўцы спікераў TEDx Minsk і TEDx Warsaw. У гэтай працы з 1999 года, правёў больш за 20 000 трэнінг гадзін ў Еўропе, Азіі і Амерыцы. Сертыфікаваны трэнер праграмы Еўрапейскага Саюза Erasmus+, сябра International Trainers Guild, сертыфікаваны коучінг-спецыяліст.
На курсе ўдзельнікі:
-
вывучаць асноўныя тэхнікі пераканання апанента падчас перамовы ці прамовы;
-
даведаюцца пра метады апрацоўкі непагадненняў;
-
атрымаюць інфармацыю пра пабудову пераканаўчай прамовы;
-
пазнаёмяцца з асноўнымі памылкамі падчас пераканання;
-
разгледзяць прыклады сучаснай місінфармацыі і дэзінфармацыі і іх выкарыстанне дзеля прапаганды.
Дзе: Беларускі дом у Варшаве
Калі: з 24 студзеня 2024 года, па аўторках з 18:00 да 21:00.
Таксама плануецца анлайн-трансляцыя курса.
Дэдлайн заявак: 10 студзеня 2024 года.
Падаць заяўку можна па спасылцы
@bajmedia
