Медыяхакатон «Пра Людзей» (дэдлайн — 10 красавіка)

Афлайн-мерапрыемства ў Вільні для прадстаўні_ц беларускіх грамадскіх арганізацый, што працуюць з уразлівымі групамі. Можна будзе прапанаваць тэмы пра дзейнасць сваіх арганізацый беларускім СМІ.

Калі: 16–17 траўня 2025 года.

Дзе: Вільня, Літва.

У медыяхакатоне возьмуць удзел 15 НДА і чатыры СМІ.

Падчас медыяхакатону прадстаўні_цы НДА змогуць скарыстацца ментарскай падтрымкай для падрыхтоўкі пітчаў пра сваю дзейнасць, а таксама прапанаваць 3–5 тэмаў для медыйнага асвятлення.

Па выніках пітчынгу кожнае медыя абярэ для сябе 8 тэмаў, якія будуць распрацаваныя ў супрацы з прадстаўні_цами НДА і апублікаваныя цягам наступных 6 месяцаў.

Арганізатары – праваабарончая арганізацыя «Журналісты за талерантнасць», аб’яднанне беларусаў Нямеччыны RAZAM e.V. і арганізацыяй «ІншыЯ».

Дэдлайн падачы заявак — 10 красавіка.

Падрабязнасці і форма для рэгістрацыі