Міжнародная прэмія Global Shining Light Award для журналістаў-расследавальнікаў (дэдлайн — 28 лютага)

Міжнародная сетка журналістаў-расследавальнікаў (GIJN) прымае заяўкі на конкурс «Праліваючы святло» (Glob­al Shin­ing Light Award). Узнагароду прысуджаюць за расследаванні ў краінах, якія развіваюцца, або ў краінах з пераходнай эканомікай.

Пераможцы атрымаюць 2500 долараў ЗША і запрашэнне на Глабальную канферэнцыю журналістаў-расследавальнікаў у лістападзе 2025 года ў Куала-Лумпуры, Малайзія.

У конкурсе дзве намінацыі:

• малыя і сярэднія СМІ (са штатам да 20 чалавек, у тым ліку фрылансераў);
• буйныя медыі (са штатам больш за 20 чалавек).

Умовы ўдзелу

Прэмію можа атрымаць журналіст, каманда журналістаў ці СМІ, якія правялі і апублікавалі (выпусцілі ў эфір), незалежнае журналісцкае расследаванне, якое адпавядае такім крытэрам:

• Расследаванне звязана з краінамі, якія развіваюцца або краінамі пераходнага перыяду.
• Было апублікавана ў перыяд з 1 студзеня 2023 года да 31 снежня 2024 года.
• Адпавядае жанру журналісцкага расследавання.
• Раскрывае праблему, неправамерныя дзеянні ці карупцыйную схему, якія ўяўляюць сур’ёзную пагрозу грамадскаму дабру.
• Праводзілася пад пагрозай арышту, смерці, пазбаўлення волі, насілля ў дачыненні да саміх журналістаў або членаў іх сем’яў, або суправаджалася ціскам і запалохваннем.

Заяўкі на ўдзел прымаюцца да 28 лютага 2025 года.

ПАДАЦЬ ЗАЯЎКУ

Удзельнікі павінны даслаць спасылку да расследаванне або загрузіць яго на Google Dri­ve або Drop­box і адправіць спасылку на shininglightaward@gijn.org.

Для матэрыялаў не на англійскай мове неабходна дадаць пераклад ці падрабязнае апісанне па-англійску.

Больш інфармацыі тут