Нэтворкінг у Вільні для актывістаў і актывістак, журналістаў і журналістак (рэгістрацыя да 24 ліпеня)

Беларускіх актывістаў і актывістак, а таксама журналістаў і журналістак запрашаюць правесці вечар чацвярга 25 ліпеня на нэтворкінг-сустрэчы ў Вільні.

Удзельнікі і ўдзельніцы сустрэчы змогуць усталяваць новыя кантакты з грамадзянскай супольнасцю і медыямі, абмеркаваць прафесійныя пытанні, падзяліцца практыкамі сумеснай працы або прыдумаць новую ідэю для супрацоўніцтва. 

Арганізатары бяруць на сябе стварэнне бяспечнага і камфортнага асяроддзя, а таксама напоі і закускі. 

Калі: 25 ліпеня 2024 года, 18:00–20:30.

Дзе: цэнтр Вільні (дакладнае месца паведамяць асобным лістом удзельнікам і удзельніцам, якія пройдуць верыфікацыю).

Каб удзельнічаць у сустрэчы, трэба запоўніць форму рэгістрацыі да 24 ліпеня ўключна.

ПАДАЦЬ ЗАЯЎКУ

Сустрэчу ладзяць арганізацыя «ІншыЯ» і аб’яданне беларусаў Нямеччыны «Разам» у партнёрстве з Беларускай асацыяцыяй журналістаў.

Мерапрыемства адбываецца ў рамках праекта «Togeth­er 4 val­ues ​​— JA», які сумесна рэалізуюць арганізацыі «ІншыЯ» і «Razam e.V.» пры падтрымцы Міністэрства замежных спраў Федэратыўнай Рэспублікі Германія.