«Офіс па правах людзей з інваліднасцю» шукае супрацоўніка ці супрацоўніцу ў калектыў (да 27 ліпеня)

Асветніцкая праваабарончая ўстанова «Офіс па правах людзей з інваліднасцю» (далей Офіс) шукае супрацоўніка / супрацоўніцу ў калектыў Офіса. «Мы шукаем прафесіянала, які нягледзячы на досыць складаную для абывацеля спецыфіку нашай працы, зможа ўключыцца ў працу па прасоўванні тэмы правоў людзей з інваліднасцю ў Беларусі».

Службовыя абавязкі:
 

• удзел у планаванні і правядзенні інфармацыйных кампаній у падтрымку дзеянняў арганізацыі;
• забеспячэнне бачнасці Офіса ў публічнай прасторы: вядзенне сацыяльных сетак, вядзенне сайта арганізацыі, камунікацыя з журналістамі і навінавымі парталамі;
• забеспячэнне інфармацыйнай падтрымкі па кампаніях «Дэінстытуалізацыя», «Парадак 50»;
• садзейнічанне ў арганізацыі канферэнцый, прэс-канферэнцый, семінараў і іншых мерапрыемстваў Офіса;
• забеспячэнне ўзаемадзеяння з дзяржаўнымі органамі, партнёрскімі арганізацыямі, людзьмі з інваліднасцю і іншымі мэтавымі аўдыторыямі арганізацыі;
• выкананне даручэнняў кіраўніцтва.

Прыярытэтам будзе з’яўляцца:

• веданне англійскай мовы на ўзроўні дастатковым для штодзённай камунікацыі з замежнымі партнёрамі;
• вопыт працы не менш за 3 гады;
• наяўнасць у прэтэндэнта вопыту работы ў сферы правоў людзей з інваліднасцю;
• вітаецца досвед працы ў некамерцыйнай арганізацыі і гатоўнасць выконваць нестандартныя задачы.

Дэдлайн 27 ліпеня

Падрабязнее па спасылцы

Крыніца: http://www.disright.org/