• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Праграма візітаў Еўразвязу для маладых лідараў (да 23 красавіка)

    Маладыя лідары з краін, што не ўваходзяць у Еўразвяз, могуць наведаць еўрапейскія інстытуты ў межах Праграмы візітаў Еўразвязу (EUVP).

    У праграме могуць удзельнічаць: палітыкі (сябры нацыянальных/рэгіянальных парламентаў, палітычных партый, дарадцы палітыкаў); афіцыйныя прадстаўнікі ўрада/парламента, хто мае паўнамоцтвы ў значных для Еўразвязу сферах; СМІ; прадстаўнікі аналітычных цэнтраў і акадэмічных колаў; сябры ды актывісты прафсаюзных арганізацый і прадстаўнікі грамадзянскай супольнасці (праваабаронцы, абаронцы правоў жанчын, навакольнага асяроддзя).

    Удзельнікі праграмы змогуць даведацца пра дзейнасць Еўразвязу, лепш зразумець сутнасць еўрапейскіх каштоўнасцей і функцыі еўрапейскіх інстытутаў улады.

    Кожны навучальны візіт будзе распрацаваны такім чынам, каб найлепш адпавядаць працоўнаму профілю і інтарэсам удзельнікаў.

    Звычайна паездка EUVP разлічана на 5 дзён працы ў Бруселі (Бельгія).

    Для тых, хто спецыялізуецца на палітычнай сферы, яе працягваюць яшчэ на 3 дні – у Страсбургу (Францыя).

    Праграмы візітаў ладзіць сакратарыят EUVP.

    Выдаткі на дарогу і суткавыя ўдзельнікаў фінансуюцца ў межах праграмы EUVP. Па пытаннях візавай падтрымкі кандыдаты з краін “Усходняга партнёрства” (Беларусі, Украіны, Малдовы, Грузіі, Арменіі, Азербайджана) мусяць звяртацца ў Прадстаўніцтва Еўразвязу ў сваёй краіне. Інфармацыю пра працэс падачы заявак можна знайсці на сайце праграмы.

    Дэдлайн – 23 красавіка 2016 года.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці