Разбор акаўнтаў у Instagram і Tik-Tok разам з Лізай Ветравай (дэдлайн – 8 снежня)

Беларускі нацыянальны моладзевы савет «РАДА» запрашае на анлайн-сустрэчу, прысвечаную разбору профіляў у Insta­gram і Tik-Tok моладзевых праектаў і ініцыятыў ці нават асабістых акаўнтаў, якія працуюць с тэмамі актывізма і правоў чалавека.

На сустрэчы будуць разглядаць прыклады публікацый у Insta­gram і Tik-Tok, якія ўдзельнікі_цы дашлюць падчас рэгістрацыі. Экспертка будзе даваць каментары пра тое, што можна палепшыць у публікацыі, чаму яна спрацавала ці не, парады для наступных публікацый. 

Для каго:

• моладзевыя ініцыятывы і праекты, якія маюць акаўнты ў Insta­gram ці Tik-Tok;
• актывісты_кі, прадстаўнікі_цы НДА;
• блогеры_кі, прадстаўнікі_цы медыя, сацыяльнага бізнесу і іншых сфер.

Экспертка: Ліза Ветрава

Сустрэча адбудзецца 10 снежня 2024 года, у 19:30 па Мінску ў Zoom. Працягласць – да 1,5 гадзін.

ПАДАЦЬ ЗАЯЎКУ

Дэдлайн – 8 снежня 2024 года ўключна.