Еўрапейскі рэтрыт ад Global Center for Journalism and Trauma (дэдлайн — 11 траўня)

Адкрыты прыём заявак на ўдзел у Euro­pean Jour­nal­ist Retreat on Trau­ma, Resilience and Eth­i­cal Report­ing — чатырохдзённым прафесійным рэтрыце для журналістаў, які пройдзе 14–18 кастрычніка 2026 года ў вёсцы Вамваку (Лаконія, Грэцыя).

Арганізатары — Glob­al Cen­ter for Jour­nal­ism and Trau­ma (GCJT) у партнёрстве з iMEdD’s Ideas Zone.

Да ўдзелу запросяць 16 журналістаў, якія працуюць у краінах Рады Еўропы і пішуць на тэмы канфліктаў, міграцыі, кліматычных крызісаў, дэзінфармацыі і іншых складаных грамадска значных сюжэтаў. Падавацца могуць рэпарцёры, рэдактары, фотажурналісты, відэажурналісты і фрылансеры з досведам не менш за 5 гадоў. Абавязковая ўмова — валоданне англійскай мовай.

Праграма рэтрыту ўключае экспертныя сесіі, групавыя дыскусіі і практычныя воркшопы па траўма-інфармаванай журналістыцы, псіхалагічнай устойлівасці, прафілактыцы выгарання, этыцы асвятлення крызісаў, а таксама развіцці здаровай рэдакцыйнай культуры. Удзельнікі таксама змогуць абмеркаваць уласныя прафесійныя кейсы ў канфідэнцыйным коле калег.

Умовы ўдзелу: арганізатары пакрываюць выдаткі на дарогу, 5 начэй пражывання і харчаванне падчас праграмы.

Для заяўкі трэба падаць CV, кароткую біяграфію, матывацыйны тэкст (да 750 слоў), два прыклады публікацый за апошнія 24 месяцы і рэкамендацыйны ліст.

Дэдлайн — 11 траўня 2026 года, 18:00 GMT.

ПАДРАБЯЗНАСЦІ І РЭГІСТРАЦЫЯ