Стадзі-тур «Міграцыя» у Берліне (дэдлайн — 11 траўня)

Аб’яднанне беларусаў Нямеччыны Razam e.V. і арганізацыя «ІншыЯ» ладзяць стадзі-тур у Берлін. Тэма тура — міграцыя.

Фота: Thomas Wolf, www.foto-tw.de

Беларускія актывіст_кі і журналіст_кі сустрэнуцца, каб абмяняцца вопытам з нямецкімі калегамі і паміж сабой, а таксама пераасэнсаваць звыклыя практыкі і здабыць новыя ідэі для сваёй працы.

Калі: з 16 да 20 чэрвеня 2025 года.

Дзе: Берлін, Германія. 

Каму падыходзiць?

Актывiст_кам i журналiст_кам, якiя ўжо працуюць з тэмамi бежанства i мiграцыi: 

• асвятляюць гэтую тэму ў медыя,
• рэалiзуюць iнiцыятывы з людзьмi з досведам мiграцыi,
• плануюць развiваць уласныя праекты ў гэтай галiне. 

Што будзе?

• Сустрэчы з прадстаўні_цамі нямецкіх медыя і НДА.
• Абмен лепшымі практыкамі нямецкіх калег па тэме міграцыі і бежанства.
• Абмеркаванне магчымасцяў адаптацыі гэтых практык да беларускага кантэксту.
• Нэтворкінг з беларускімі журналіст_камі і актывіст_камі.

Абавязковая папярэдняя рэгістрацыя адкрыта да 11 траўня 2025 года ўключна. Вынікі адбору будуць абвешчаны не пазней за 20.05. Праграму і лагістычныя падрабязнасці адабраныя ўдзельні_цы атрымаюць асобным лістом.

РЭГІСТРАЦЫЯ ТУТ