Стыпендыя ў школу-летнік Journey у Празе (дэдлайн — 6 красавіка)

Журналісцкую праграму ў летніку Jour­ney вядуць лепшыя спецыялісты з вядомых сусветных СМІ і агенцтваў, у тым ліку CNN, The New York­er, Bloomberg, Reuters, Asso­ci­at­ed Press і інш. Шэраг выкладчыкаў таксама з’яўляюцца лаўрэатамі Пулітцэраўскай прэміі.

Фота: www.bakalafoundation.org

Летась, дзякуючы працы БАЖ,  Jour­nal­ism Boot­camp у Празе стаў даступны і для беларусаў_к.

— БАЖ лічыць сваім безумоўным прыярытэтам спрыянне калегам, таму мы ўступілі ў камунікацыю з арганізатарамі праграмы Jour­nal­ism Boot­camp і падрабязна патлумачылі важнасць беларускага незалежнага медыясектара і гэтай праграмы для маладых беларускіх журналістаў і журналістак, — распавядаў намеснік старшыні арганізацыі Барыс Гарэцкі. 

Міжнародная летняя школа Jour­ney — гэта дзесяцідзённы інтэнсіўны курс у Празе (Чэхія). Летнік прапануе ўнікальную магчымасць даведацца пра найноўшыя метады і тэндэнцыі ў медыя праз семінары, майстар-класы і практычныя заняткі.

Вольнае валоданне ангельскай мовай з’яўляецца абавязковым патрабаваннем праграмы.

Для каго?

Заяўкі прымаюць ад студэнтаў факультэта журналістыкі і СМІ, якія скончылі не менш як два семестры ва ўніверсітэце/каледжы і маюць сур’ёзную цікавасць да працы ў сферы журналістыкі. А таксама студэнтаў іншых спецыяльнасцяў, якія маюць досвед працы ў журналістыцы ці дэманструюць моцную матывацыю стаць журналістамі.

ПАДАЦЬ ЗАЯЎКУ