Як развіваць YouTube-канал і ілюстраваць тэксты. Яшчэ два анлайн-курсы для беларускіх журналістаў

Анлайн-курсы распрацаваныя прафесійнымі журналістамі і медыяспецыялістамі і размешчаныя ў Telegram.

Адзін з іх складзены ўкраінскім журналістам Кірылам Яўсеевым. Кірыл мае дзесяцігадовы вопыт працы на тэлебачанні, а цяпер займаецца развіццём YouTube-каналаў (дарэчы, на яго ўласным канале больш за 120 тысяч падпісчыкаў).

Курс прысвечаны прасоўванню кантэнту ў відэахосцінгу, аналізу падыходаў і асноўным памылкам.

Другі адукацыйны бот ад былога фотарэдактара “Белсата” Дзяніса Дзюбы. Ён распавядае пра асноўныя прынцыпы візуалізацыі і ілюстравання кантэнту.

— Гэты фармат зручны для навучання чальцоў рэдакцыйных каманд, — расказалі ў Thom­son Foun­da­tion. — Бот, вядома, праз свой фармат не раскрывае тэму на сто адсоткаў, але дае разуменне асноўных выклікаў і прапаноўвае рашэнні. Калі няма калі вучыць навічкоў ці ахвяраваць шмат часу на нейкі больш працяглы навучальны фармат, такі інструмент можа быць эфектыўнай альтэрнатывай.

Хаця курсы арыентаваныя ў першую чаргу на беларускіх журналістаў, яны складзеныя на рускай мове, каб імі маглі скарыстацца медыйшчыкі ў рэгіёне.

Паводле адказных за адукацыйны праект, сёлета да канца сакавіка будуць размешчаныя яшчэ тры навучальныя курсы: пра падкасты, манетызацыю медыя ў выгнанні і працу з дадзенымі.

Нагадаем, што у мінулым годзе Thom­son Foun­da­tion размясціў 10 анлайн-курсаў, у тым ліку па працы ў сацсетках, па фандрайзінгу, будаванні кам’юніці і інш.

Чытайце яшчэ:

Адукацыя на журфаку БДУ вачамі студэнтаў

Вітаўт Руднік: Ісці ў незалежную журналістыку не кожны захоча і не кожнага мама пусціць

Там не было лекцый, як у Беларусі. Да нас прыходзілі журналісты-практыкі з французскіх тэлеканалаў…