Нападнікаў на Сяргея Чалага пачнуць судзіць 6 жніўня
2 жніўня 2018
У панядзелак суд Цэнтральнага раёна Мінска пачне разглядаць крымінальную справу аб хуліганскім нападзе на эканаміста Сяргея Чалага і грамадскага актывіста Анатоля Сакалоўскага.
Напад адбыўся 18 красавіка ў двары сталічнага ГУМа. Абвінавачанне па частцы 2 артыкула 339 Крымінальнага кодэкса прад’яўленае двум жыхарам Мінска.
Па словах пацярпелага Анатоля Сакалоўскага, ён спадзяецца, што суд расставіць кропкі над “i”, аднак ужо зараз узнікаюць некаторыя пытанні да справы. Так, пасля нападу міністр унутраных спраў Ігар Шуневіч гаварыў пра запіс з камер відэаназірання.
– Але гэты запіс чамусьці не далучаны да справы. Таксама ўзнікае пытанне пра колькасць нападнікаў. Я лічу, што іх было больш, чым праходзіць па справе, бо толькі мяне збівалі двое, у той час, як іншыя білі Сяргея Чалага. Незразумелым застаецца і матыў нападнікаў, — расказаў Сакалоўскі.
Эканаміст Сяргей Чалы расказаў прэс-службе ГА “Беларуская асацыяцыя журналістаў”, што не намераны дабівацца занадта жорсткага пакарання для нападнікаў, хоць санкцыі па гэтым крымінальным артыкуле і так вялікія.
Таксама Сяргей чакае ад нападнікаў кампенсацыі за залітую крывёй вопратку.
Паводле Крымінальнага кодэкса нападнікам пагражае арышт, абмежаванне волі альбо пазбаўленне волі на тэрмін да 6 гадоў.
Автора программы «Экономика на пальцах» на TUT.BY Сергея Чалого избили: у него перелом носа и черепно-мозговая травма
@bajmedia
Вольга Лойка расказала, як здымалася для прапагандысцкага фільма пра Tut.by
11.02.2024
Адкрыты збор на дапамогу цяжкахвораму беларускаму журналісту Вадзіму Доўнару
10.04.2024
Зняволеная журналістка Ксенія Луцкіна ў калоніі зноў перахварэла на пнеўманію
02.05.2024
Былога палітвязня і журналіста Сяргея Гардзіевіча арыштавалі на 15 сутак
29.01.2024
