• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Напярэдадні Дня правоў чалавека Вольгу Чайчыц зноў чакаюць суды за «Белсат»

    Разгляд адміністратыўных справаў журналісткі Вольгі Чайчыц адбудзецца 6 і 8 снежня – яе вінавацяць у «незаконным вырабе прадукцыі СМІ» (арт. 22.9 ч. 2 КаАП).

    https://baj.media/sites/default/files/event/preview/sluchaki-vyjduts-na-pratest-bo-n.jpg

    Адна адміністратыўная справа будзе разглядацца ў судзе Дзяржынскага раёну 6 снежня а 16‑й гадзіне. Вольга Чайчыц мяркуе, што падставай для складання гэтага пратаколу стаў сюжэт пра кватэрны канфлікт у Дзяржынску.

    Другая адміністратыўная справа будзе разглядацца 8 снежня ў 9.30 у судзе Ленінскага раёну Менску.

    Раней журналістку папярэджвалі, што ў адносінах да яе складзены адміністратыўны пратакол за сюжэт «Менчукі змагаюцца з Памежным камітэтам супраць ушчыльнення ў цэнтры», які быў паказаны ў эфіры «Белсату» у кастрычніку, аднак Вольга Чайчыц не ўпэўненая, што менавіта гэтая адміністратыўная справа будзе разглядацца ў Ленінскім судзе 8 снежня.

    Нагадаем, паводле артыкулу пра незаконны выраб прадукцыі медыяў і працы без акрэдытацыі толькі за гэты год журналісты «Белсату» заплацілі дзяржаве не менш за $ 14 000. Паводле «Рэпарцёраў без межаў», менавіта журналістаў нашага тэлеканалу беларускія ўлады пераследуюць часцей за ўсё.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці