Памёр журналіст Вадзім Доўнар

Журналіста не стала пасля цяжкай хваробы печані.

Вадзім Доўнар. Фота: з асабістага архіва

Увесну з надзеяй на трансплантацыю Вадзіма Доўнара перавезлі з Украіны ў Польшчу, дзе ён спадзяваўся на перасадку. Тады для догляду за Вадзімам журналісцкая супольнасць сабрала неабходныя сродкі.

Вадзім Доўнар — беларускі журналіст, які прысвяціў сваё жыццё асвятленню важных падзей. Вадзім працаваў у «Беларускай дзелавой газеце», «Беларускай газеце», на «Радыё Рацыя», на ўкраінскім тэлеканале ATR і ўдзельнічаў у блакадзе Крыма ў Чангары. Апошнія гады Вадзім жыў у Кіеве.

БАЖ выказвае глыбокія спачуванні родным і калегам Вадзіма.