• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Памочнік дэпутата парламента напаў на прэс-сакратара БАЖ Барыса Гарэцкага

    Першы сакратар ЦК Камуністычнай партыі Беларусі Георій Атаманаў напаў на прэс-сакратара ГА “Беларуская асацыяцыя журналістаў” Барыса Гарэцкага.

    Інцыдэнт адбыўся пасля разгляду ў судзе Цэнтральнага раёна Мінска іску гісторыка Ігара Кузняцова аб абароне гонару, годнасці і дзелавой рэпутацыі. Адказчыкамі па іску сябра ГА “БАЖ” Ігара Кузняцова з’яўляецца КПБ, рэдакцыя газеты “Коммунист Беларуси. Мы и время” і аўтар публікацыі Андрэй Лазуткін.

    Пасля судовага працэсу Барыс Гарэцкі на вуліцы побач з будынкам суда спрабаваў сфатаграфаваць адказчыкаў.

    У гэты час Георгій Атаманаў, які да таго ж з’яўляецца памочнікам дэпутата Палаты прадстаўнікоў, падышоў да Гарэцкага, замахнуўся і на вачах у сведкаў выбіў з рук прэс-сакратара БАЖ мабільны тэлефон, які ўпаў на зямлю.

    Па факце інцыдэнта Барыс Гарэцкі накіраваў пісьмовую заяву ва Упраўленне ўнутраных спраў Ленінскага раёна Мінска.

    Рашэнне па іску Ігара Кузняцова супраць КПБ, газеты “Коммунист Беларуси. Мы и время” і Андрэя Лазуткіна будзе агучана заўтра а 9.15.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці