• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Прафесія журналіста — адна з самых небяспечных у свеце, але пазбегнуць пэўных пагроз можна

    У Віцебску прайшоў семінар, прысвечаны праблемам бяспекі прафесійнай дзейнасці журналістаў. На запрашэнне мясцовай філіі ГА “БАЖ” адгукнуліся журналісты і блогеры з Гарадка, Полацка, Навалукомля, Оршы і Аршанскага раёна.

    Віцебск стаўся другім пасля Гомеля горадам, куды ў якасці трэнераў прыязджалі  былая кіраўніца бюро рускай службы ВВС Вера Лявонцьева, эксперт Цэнтра інфармацыі аб правах чалавека з Кіева Юры Луканаў і сябра праўлення ГА “БАЖ”, юрыст Алег Агееў.

    Праграма семінару пабудаваная такім чынам, што цікава і карысна прысутнічаць на ім было не толькі прафесійным журналістам, якія стала працуюць у рэдакцыях або супрацоўнічаюць са СМІ ў якасці фрылансераў. Тых, хто піша ўласныя блогі ці проста паведамляе на розныя сайты пра навіны рэгіёна, таксама захапілі тэмы абмеркаванняў. Прыкладам, пра належную “экіпіроўку” і паводзіны на масавых акцыях, якія былі адметнасцю гэтага года, альбо пра правілы аказання першай дапамогі пацярпелым.

    Тых, хто працуе ў журналістыцы прафесійна, асабліва зацікавіла праблематыка правядзення журналісцкіх расследаванняў і бяспекі падчас гэткай працы.

    Падрабязна пра выклікі ў вострых сітуацыях падчас пошуку “гарачых” фактаў распавяла Вера Лявонцьева. Яе аповед паступова перайшоў у абмеркаванне найбольш аптымальных спосабаў захоўвання і сродкаў перадачы знойдзенай, вельмі каштоўнай, але часта вельмі небяспечнай для самога журналіста, інфармацыі.

    Юрыя Луканава, які прыехаў у Беларусь з Кіева, распытвалі не толькі па заяўленай тэме — пра нормы паводзінаў журналіста на масавых мерапрыемствах. Усіх прысутных хвалявала цяперашняя сітуацыя ва Украіне, а ўкраінскі госць, у сваю чаргу, зацікавіўся праблемай пагроз, якую беларусы адчуваюць з боку “русского мира”, — вялікай колькасцю прапагандысцкіх праграм тэлебачання Расіі, якія транслююцца праз БТ.

    Паколькі семінар распачаўся 10 снежня, у 69‑ю гадавіну прыняцця Сусветнай дэкларацыі правоў чалавека, удзельнікі не маглі не закрануць тэму парушэння правоў чалавека. Разгарэлася сур’ёзная дыскусія наконт ацэнкі артыкулаў і пазіцыі аўтараў інфармацыйнага агенцтва “Рэгнум” Дзмітрыя Алімкіна, Юрыя Паўлаўца і Сяргея Шыптэнкі. Яны абвінавачваюцца ў распальванні міжнацыянальнай варожасці і ўжо год знаходзяцца пад вартай. Прысутныя на семінары абмяркоўвалі, ці ўжывалі згаданыя вышэй аўтары недапушчальныя выказванні, ці ўсяго толькі рэалізоўвалі сваё права на свабоду слова.

    Дыскусія так і засталася незавершанай, і выразна прадэманстравала  шматварыянтнасць успрымання ўзнятых пытанняў, хоць яны грунтуюцца на ўніверсальнай каштоўнасці, якой з’яўляюцца правы чалавека.

    Абсалютна ніхто з прысутных не застаўся абыякавым да тэмы, якую выкладаў Алег Агееў, — пра паводзіны на допытах і сістэму абароны сведкі па схеме “ПЛОД”.  Да неабходнасці засваення ведаў у гэтай галіне падштурхоўвае сённяшняя рэчаіснасць, калі журналіст можа быць забраны ў пастарунак падчас выканання прафесійных абавязкаў. Тое самае тычыцца і грамадскіх актывістаў. І паколькі сярод наведнікаў семінару было адразу некалькі юрыстаў і праваабаронцаў, размова атрымалася не абстрактнай, а са мноствам канкрэтных прыкладаў.

    Бадай што самыя цёплыя словы на семінары прагучалі пра журналісцкую салідарнасць. Цягам гэтага года журналісты Віцебшчыны неаднаразова траплялі ў складаныя сітуацыі, і цяпер з удзячнасцю згадвалі пра тое, як іх падтрымлівалі калегі — прыходзілі на суды, адносілі перадачы ў ІЧУ, дасылалі паштоўкі, адмыслова зробленыя віцебскімі БАЖаўцамі менавіта для такой нагоды.

    Паштоўкі з надпісамі “Віцебск заўжды з табой!” і “Трымайся, мы разам!” атрымалі ў падарунак і эксперты.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці