• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Рацыя», SYMPA, «Вожык.Самвыдат» — чарговыя папаўненні ў «экстрэмісцкім спісе»

    Міністэрства інфармацыі ставіць на паток «экстрэмісцкія рэсурсы». Згодна з апошнімі абнаўленнямі ў так званым «Рэспубліканскім спісе экстрэмісцкіх матэрыялаў», такімі сталі асобныя пляцоўкі ў сеціве «Радыё Рацыя», тэлеканала «Белсат», экспертнай супольнасці SYMPA ды іншыя.

    Як вынікае з паведамлення на сайце дзяржаўнага ведамства, цяпер «забароненай да распаўсюду» лічыцца інармацыйная старонка «Беларускага Радыё Рацыя» ў расійскай сацыяльнай сетцы «ВКонтакте». Адпаведнае рашэнне прыняў суд Глыбоцкага раёна Віцебскай вобласці 7 ліпеня.

    Ад верасня 2021 года доступ на сайт радыёстанцыі ў Беларусі заблакаваны, з таго часу ўлады намагаюцца нейтралізаваць асобныя старонкі медыя ў сацсетках. «Беларускае Радыё Рацыя» фінансуецца Міністэрствам замежных спраў Польшчы і пакрывае тэрыторыю беларуска-літоўска-польскага памежжа. Першы эфір адбыўся 3 кастрычніка 1999-га, а саму назву як брэнд прыдумала каманда зачыненага рэжымам «Радыё 101,2». 

    Акрамя таго, у пераліку «экстрэмісцкіх матэрыялаў» ужо звыкла фігуруе ўсё, што звязана з тэлеканалам «Белсат». Гэтым разам пільныя кантралёры ўгледзелі крамолу на старонцы ў іншай расійскай сацсетцы «Одноклассники» пад назвай «Белсат Адмін». Даецца адсылка на вердыкт суда Барысаўскага раёна Мінскай вобласці ад 6 ліпеня.

    Паводле падлікаў кіраўніцтва «Белсата», за час асвятлення пратэстаў у Беларусі цягам 2020–2021 гадоў карэспандэнтаў тэлеканала затрымлівалі 162 разы, часта з канфіскацыяй відэатэхнікі. Так, 15 лістапада 2020-га за трансляцыю мірнай акцыі ў памяць пра гарадскога актывіста Рамана Бандарэнку журналісткі тэлеканала Кацярына Андрэева і Дар’я Чульцова атрымалі па 2 гады пазбаўлення волі, пазней першай дадалі яшчэ 8 з лішкам гадоў зняволення паводле абвінавачання ў «здрадзе дзяржаве».

    Паралельна МУС Беларусі прызнаў тэлеканал «экстрэмісцкім фармаваннем», у сувязі з чым за падпіску ці рэпост матэрыялаў настае адміністрацыйная ці крымінальная адказнасць.

    Гэтаксама ў кампанію да «экстрэмістаў» патрапіла экспертная супольнасць SYMPA, аднак спасылка, указаная ў пераліку, вядзе на старонку групы “Мой Мінск: палітыка, гісторыя, сацыялогія”. Так вырашыў суд  Цэнтральнага раёна Мінска 7 ліпеня, а Мінінфарм замацаваў у ведамасным пераліку.

    Гэта ўжо не першае «прызнанне» школы маладых менеджараў публічнага адміністравання з боку ўладных структур — зусім нядаўна ў сярэдзіне чэрвеня Камітэт дзяржбяспекі прызнаў групу аднадумцаў «экстрэмісцкім фармаваннем». Нібыта публікавалі звароты «дзеля інспіравання пратэсных настрояў у грамадстве» і распаўсюджвалі ілжывыя звесткі пра сістэму дзяржкіравання. Нагадаем, у сакавіку 2023 года сузаснавальніцу SYMPA Таццяну Кузіну асудзілі на 10 гадоў за «распальванне варожасці і змову з мэтай захопу ўлады».

    Часам у пералік «злачынцаў» трапляюць і досыць выпадковыя рэсурсы, на якія сілавікі натыкнуліся, выглядае, па інэрцыі. Напрыклад, інфармацыйная прадукцыя Telegram-канала «Вожык. Самвыдат».

    Мяркуючы па актуальных выходных дадзеных, кантэнт з 317 падпісантамі не абнаўляўся з кастрычніка 2021 года. Аднак суд Цэнтральнага раёна Мінска вызначыў, што няхай нават і задняй датай, але неабходна спыніць распаўсюд «шкодных матэрыялаў» — у дадзеным выпадку гэта надзённыя палітычныя карыкатуры. 

    Цікава, што аўтары праекта ад пачатку пазіцыянавалі сябе  прадаўжальнікамі арганізатараў вострасатырычнай газеты «Вожык: раздавiм фашысцкую гадзiну», якая з 1941 года выдавалася беларускімі партызанамі.   

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    «Медиазона» часто пишет новости о том, как заключенных отправляют в ШИЗО, ПКТ или переводят на тюремный режим. В колониях политзаключенные не сидят в камерах, а живут в бараках, ходят на работу по улице. Но даже этих «удобств» можно лишить. По сути, осужденные отбывают двойное наказание — часто по надуманным поводам — мерзнут в одиночных камерах, дышат хлоркой и не получают письма. «Медиазона» рассказывает, как наказывают тех, кто уже наказан заключением в колониию и СИЗО.
    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці