• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Старшыня БАЖ абмяркуе з міністрам інфармацыі унясенне зменаў ў Закон «Аб СМІ»

    На наступным тыдні мусіць адбыцца сустрэча старшыні ГА "БАЖ" Андрэя Бастунца з міністрам інфармацыі Аляксандрам Карлюкевічам.

    Беларуская асацыяцыя журналістаў двойчы звярталася ў Мінінфарм з прапановай зладзіць сустрэчу з міністрам, каб абмеркаваць падрыхтоўку зменаў у закон “Аб СМІ”. Першы зварот застаўся без адказу ўвогуле. На другі зварот прафесійная арганізацыя, што аб’ядноўвае больш за тысячу прадстаўнікоў медыя краіны, атрымала пазітыўны адказ. У Міністэрстве інфармацыі прызначылі сустрэчу з кіраўніком ГА «БАЖ» Андрэем Бастунцом.

    Плануецца абмеркаваць падрыхтоўку зменаў у закон “Аб СМІ”, а таксама бягучы стан у галіне медыя, у тым ліку блакіроўку сайтаў і пераслед журналістаў-фрыласнераў.

    Нагадаем, што пра падрыхтоўку зменаў у закон «Аб СМІ» стала вядома яшчэ ў верасні мінулага года. ГА “БАЖ” адразу звярнулася да новага міністра з просьбай азнаёміцца і абмеркаваць магчымыя змены, а таксама ўключыць прадстаўніка журналісцкай арганізацыі ў склад працоўнай групы па падрыхтоўцы дакумента.

    5 лютага на выніковай калегіі Мінінфарма зноў было агучана, што створана міжведамасная група па выпрацоўцы зменаў у Закон аб СМІ і звязаных з гэтым дапаўненняў і змяненняў у Падатковы кодэкс, Кодэкс аб адміністрацыйных правапарушэннях і Працэсуальна-выканаўчы кодэкс аб адміністрацыйных правапарушэннях.

    У адпаведнасці з палажэннем, Міністэрства інфармацыі ў межах сваёй кампетэнцыі распрацоўвае праекты законаў, рашэнняў Прэзідэнта і Савета Міністраў; супрацоўнічае з грамадскімі аб’яднаннямі і іншымі арганізацыямі па пытаннях, звязаных з распаўсюдам масавай інфармацыі, ажыццяўленнем выдавецкай, паліграфічнай дзейнасці, дзейнасці па распаўсюдзе друкаваных выданняў і прадукцыі сродкаў масавай інфармацыі.

    А 1 сакавіка міністр інфармацыі Аляксандр Карлюкевіч заявіў журналістам, што падчас падрыхтоўкі зменаў у закон “Аб СМІ” мяркуецца зладзіць грамадскае абмеркаванне прапанаваных правак. У тым ліку Міністэрства інфармацыі хоча пачуць аргументы на карысць таго, каб статус журналіста-фрылансера быў заканадаўча замацаваны.  

    Андрэй Бастунец: Дыялог з Еўрасаюзам ідзе, а праблемы ў сферы свабоды слова не вырашаюцца

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці