Топ-10 БАЖных падзеяў 2015 года
30 снежня 2015
На апошнім сёлетнім пасяджэнні Праўлення ГА “БАЖ” прэс-служба арганізацыі папрасіла кожнага з сябраў гэтага кіраўнічага органа скласці Топ-10 самых галоўных, на іх думку, падзей года ў жыцці БАЖаўцаў і беларускай медыясупольнасці.
Пасля падліку галасоў атрымаўся такі Топ-10:
1. З’езд ГА “БАЖ” і змена кіраўніцтва;
3. Правядзенне карпаратыўнага фэсту “Бажынкі-2015” у Глыбокім;
4. Атрыманне Нобелеўскай прэміі Святланай Алексіевіч;
5. Масавы пераслед журналістаў за працу на замежныя СМІ без акрэдытацыі;
6. Правядзенне штогадовага творчага конкурса “Вольнае слова”;
7. Уступленне ў сілу зменаў у закон “Аб СМІ” і пазасудовая блакіроўка сайтаў;
8. Канфлікт у калектыве “Белорусы и рынок” і старэнне новага рэсурса Belrynok.by;
9. Юбілеі выданняў: “Брестскому курьеру” – 25, “Народнай волі” – 20, “Рэгіянальнай газеце” – 20, часопісу “Абажур” – 15 гадоў;
10. Прэс-туры ў Палескі радыяцыйна-экалагічны запаведнік, у вёску Вялікі Бор Хойніцкага раёна на народнае свята “Русалле”, а таксама байдарачны прэс-тур па Прыпяці.
Таксама сярод важных сёлетніх падзеяў сябры Праўлення адзначылі пагаршэнне эканамічнай сітуацыі ў краіне і ў журналісцкай сферы, пераход Беларусі на лічбавае тэлевяшчанне, працу рэгіянальных Школ маладога журналіста, выбары прэзідэнта і ўмоўную лібералізацыю на перыяд іх правядзення, конкурс “Прэс-фота Беларусі” і іншыя.
@bajmedia
