У Брэсце адбылася акцыя ў падтрымку тэлеканала “Белсат”

Цяпер паўстала пытанне што да фінансавання дзейнасці “Белсата”, і гэта можа прывесці нават да яго закрыцця.

У розных месцах горада цягам  мінулых выходных з’явіліся каляровыя налепкі “Я люблю “Белсат”. Яны былі размешчаныя на прыпынках грамадскага транспарту, дошках аб’яў і рэкламных тумбах.

Такія налепкі можна было таксама пабачыць і каля будынка Генеральнага консульства Рэспублікі Польшча ў Брэсце. Гэтая дыпламатычная пляцоўка падпарадкоўваецца Міністэрству замежных спраў Польшчы, ад рашэння якога шмат што залежыць у далейшым лёсе тэлеканала “Белсат”.