У Брэсце супрацоўнікі міліцыі перашкаджалі журналістам працаваць у судзе
12 снежня 2018
Інцыдэнт здарыўся 10 снежня ў судзе Ленінскага раёна Брэста падчас вынясення прысуду мясцовым жыхарам Сяргею Ярасю і Аляксандру Гуцько. У якасці пацярпелых па гэтай справе фігуруюць тры супрацоўнікі міліцыі.
Як паведаміў сябра ГА “Беларуская асацыяцыя журналістаў” Алесь Ляўчук, калі журналісты, што асвятлялі гэты працэс, спрабавалі зрабіць фотаздымкі з судовай залы, то адчулі адпор з боку міліцыянтаў.
— Яны проста не давалі працаваць: спрабавалі выбіць тэлефоны і перашкаджалі здымаць, хаця перад пачаткам судовага пасяджэння і пасля яго заканчэння рабіць гэта можна, — распавёў Алесь Ляўчук.
Ён таксама дадаў, што свае паводзіны супрацоўнікі міліцыі нічым не тлумачылі, але паводзілі сябе вельмі нахабна і агрэсіўна, каб заблакаваць працу журналістаў.
@bajmedia
Генпракуратура Расіі прызнала «непажаданай» дзейнасць «польскай арганізацыі Belsat» на тэрыторыі РФ
13.09.2024
Кіраўніка прыватнай гомельскай тэлекампаніі асудзілі ўжо другі раз, а ягоны намеснік прапаў без вестак
15.04.2024
На загад міністра інфармацыі ў Беларусі заблакавалі сайт «Мой Брест»
11.01.2024
Польскі Newsweek назваў Анджэя Пачобута «Постаццю 10-годдзя»
05.03.2024
