У Гродне прадставілі праект «Здані тэатру»
2 кастрычніка 2015
У памяшканні кавярні «Веранда» ў Гродне адбылася прэзентацыя сумеснага праекту трох гродзенцаў пад назвай «Здані тэатру». Фатограф і выкладчык журналістыкі з Гродна Сяргей Марозаў разам з візажыстам Бажэнай Машынай і касцюмерам Антанінай Калагрыў паказалі, якую неабсяжную прастору для творчасці ўяўляе з сябе чалавек.
Сяргей Марозаў сваімі фотаздымкамі ўжо неаднаразова здзіўляў жыхароў Гродна. Ён захапіўся фатаграфіяй на пачатку 2000-х, сур’ёзна заняўся спасціжэннем фотасправы ў 2007 годзе. Менавіта тады трапіў у “Народны фотаклуб Гродна” і зладзіў першую асабістую фотавыставу. Штогод бярэ ўдзел у розных фотаконкурсах і выставах.
З 2012 года ў адно спляліся ўлюбёныя заняткі – фатаграфія і мотажыццё, і ён распачаў рэалізацыю фотапраекта «Байкеры: маскі», які ў той жа год быў прадстаўлены ў Гродне, Брэсце і Лідзе.
У 2013 годзе серыя атрымала працяг у праекце «Ад заходу да світання». У 2015 годзе Сяргей стаў адным з пераможцаў «Прэс-фота Беларусі-2015» у намінацыі “Паўсядзённае жыццё”.
Сама прэзентацыя выглядала як сапраўднае шоў: дыджэі і жывы гук, аукцыён здымкаў і невялікае фаершоў. Грошы з прададзеных фота пайшлі ў дапамогу Гродзенскаму дзіцячаму хоспісу.
@bajmedia
Аператара АНТ арыштавалі за палітыку. Прычынай маглі стаць каментары ў тэлеграме, якія ён даўно выдаліў
20.05.2024
Сгенерированные ИИ лица оказались реалистичнее настоящих фото — исследование
24.11.2023
«Это естественно». Лукашенко признал, что сотрудники его пула — не журналисты, а агитаторы и пропагандисты
24.10.2023
Апеляцыйны суд у Бялградзе выслухаў бакі ў справе Андрэя Гнёта. Рашэнне будзе прынятае цягам 30 дзён
27.08.2024
