• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Гродне спынілі справу блогера супраць выканкама і гарадскога Савета дэпутатаў

    Суддзя Ленінскага райсуда Гродна Казімір Сяргей 6 снежня спыніў справу грамадскага актывіста і блогера Анатоля Мышкевіча супраць Гродзенскага гарвыканкама і гарадскога Савета дэпутатаў.

    Блогер і грамадскі актывіст Анатоль Мышкевіч праз суд аспрэчваў рашэнне гарадскіх уладаў аб немагчымасці прамой трансляцыі пасяджэнняў мясцовых дэпутатаў.

    Суддзя Казімір Сяргей патлумачыў сваё рашэнне тым, Мышкевіч не паспеў з тэрмінамі абскарджання адказу аблвыканкама, якое мусіла адбыцца ў месячны тэрмін.

    Мышкевіч у ходзе слухання спрабаваў патлумачыць суду, што падача скаргі была пратэрмінаваная ў сувязі з тым, што супрацоўнікі міліцыі канфіскавалі лічбавыя носьбіты інфармацыі на 2 месяцы для праверкі па адміністрацыйнай справе ў дачыненні яго за плакат аб зніклых палітыках. Суд не прыняў гэта да ўвагі.

    “Заўтра будзе зноў накіраваны зварот у гарвыканкам. Будзе там абскарджаны. І праз месяц мы вернем усе паперы ў суд. І цяпер ніякага пратэрмінавання не будзе”, — лічыць Анатоль Мышкевіч.

    Грамадскі актывіст спадзяецца, што ўжо пасля публікацыі ў розных СМІ інфармацыі пра суд з падобнымі зваротамі наконт трансляцыі пасяджэнняў Савета дэпутатаў у гарадскі Савет напішуць звароты і іншыя жыхары горада.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці