У спіс экстрэмісцкіх дадалі інтэрнэт-рэсурсы Palatno, EX-PRESS.BY, «Рогачев Online»
25 кастрычніка 2023
Міністэрства інфармацыі Беларусі ў чарговы раз папоўніла пералік інтэрнэт-рэсурсаў, кантэнт якіх прызнаны «экстрэмісцкім» і забаронены да распаўсюду. Сярод іншых у «Рэспубліканскі спіс экстрэмісцкіх матэрыялаў» улады дадалі акаўнты ў сацсетках, афіляваныя з выданнямі Palatno, EX-PRESS.BY, «Рогачев Online».
Паводле адпаведнага пераліку Мінінфарма, 19 кастрычніка суд Маладзечанскага раёна пастанавіў лічыць экстрэмісцкімі матэрыяламі акаўнты інтэрнэт-выдання «Palatno Media – Палатно» ў сацсетках Facebook (ідэнтыфікатар www.facebook.com/palatnomedia) і Instagram (ідэнтыфікатар instagram.com/palatno_media).
У той самы дзень Рагачоўскі раённы суд прызнаў экстрэмісцкімі сайт «Рогачев Online» (vrogacheve.ru), звязаныя з ім старонкі ў сацсетках «ВКонтакте», «Одноклассники» і групу ў месенджары Viber пад назвай «Рогачёв Онлайн».
20 кастрычніка суд Барысаўскага раёна вынес рашэнне лічыць экстрэмісцкай інфармацыйнай прадукцыяй кантэнт Telegram-канала EX-PRESS.LIVE (t.me/expressby, з ідэнтыфікатарам (ID) 1001350511221), які належыць незалежнаму рэгіянальнаму інфармацыйнаму сайту EX-PRESS.BY.
Чытайце яшчэ:
Дзве журналісткі, арыштаваныя падчас іранскіх пратэстаў, асуджаныя на вялікія тэрміны
«В сильном государстве, в таком государстве…» Министр спорта считает, что телеканал «Беларусь 5» должен быть бесплатным
«Вся страна сейчас живет так, как годами жили пострадавшие от домашнего насилия». Большой разговор с Ольгой Горбуновой
@bajmedia
