• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Усё кепска. Трасуцца рукі і ногі»,— бацька журналісткі Ксеніі Луцкінай пра стан яе здароўя за кратамі

    Былая журналістка БТ Ксенія Луцкіна адбывае пакараньне ў 8 гадоў калёніі паводле выраку за «змову ці іншыя дзеяньні, учыненыя з мэтай захопу дзяржаўнай улады».

    Бацька палітзьняволенай былой журналісткі БТ Ксеніі Луцкіной распавёў «Народнай Волі», што яго дачку перавезьлі зь Менска ў СІЗА Гомля.

    За час знаходжаньня за кратамі ў Ксеніі Луцкінай моцна пагоршылася здароўе: абвастрылася бранхіяльная астма, павялічваецца пухліна ў мозгу — у 2014 годзе жанчыне зрабілі апэрацыю і выдалілі дзьве пухліны ў галаве.

    «Пасьля вынясеньня прысуду мне дазволілі спатканьне з Ксеніяй у СІЗА на Валадарскага, — распавёў Алег Луцкін, бацька журналісткі. — А 25 кастрычніка яе перавезьлі зь Менска ў СІЗА Гомля, дзе яна і будзе чакаць разгляду апэляцыі ў Вярхоўным судзе».

    На пытаньне пра самаадчуваньне дачкі Алег Луцкін адказаў:

    «Са здароўем усё кепска. Хвароба не адступае, таму ў яе пастаянныя галаўныя болі, трасуцца рукі і ногі. Яшчэ калі была ў Менску ў СІЗА, Ксеніі абяцалі дадатковае мэдыцынскае абсьледаваньне, але абяцаньні так словамі і засталіся. Сказалі: магчыма, у Гомлі зробяць МРТ. Адным словам, можа, зробяць, а можа, і не зробяць».

    Перасьлед Ксеніі Луцкінай

    Журналістку Ксенію Луцкіну затрымалі ў сьнежні 2020-га па «справе Прэс-клюбу»: яе абвінавацілі ў «нявыплаце падаткаў» (пасьля закрыцьця гэтай справы распачалі новую).

    Раней яна працавала на Беларускай дзяржаўнай тэлевізіі, але сышла адтуль на хвалі пратэстаў, далучылася да дзейнасьці Каардынацыйнай рады. Супрацоўніцтва з Радай і стала падставай для завядзеньня крымінальнай справы.

    Разгляд крымінальнай справы Ксеніі Луцкіной пачаўся 1 верасьня. Працэс вяла судзьдзя Тацяна Фалькоўская.

    20 верасьня пракурор запатрабаваў пакараць палітзьняволеную журналістку 8 гадамі калёніі. У выніку 28 верасьня судзьдзя пагадзілася зь дзяржабвінаваўцам і прысудзіла Ксеніі 8 гадоў калёніі паводле ч.1 арт. 357 КК («змова ці іншыя дзеяньні, учыненыя з мэтай захопу дзяржаўнай улады»), паведамляе «Вясна». Ксенію Луцкіну абвінавацілі ў «змове ці іншых дзеяньнях, учыненых з мэтай захопу дзяржаўнай улады».

    21 верасьня Ксенія Луцкіна выступіла з апошнім словам. Яна папрасіла суд аб гуманнасьці і нагадала, што дома яе чакае непаўналетні сын:

    «Яму патрэбна маці. Ня сябар, ня проста дарослы побач, а маці. Чалавек, які кожны дзень дорыць пачуцьцё неабмежаванай любові, адчуваньне бясьпекі, дорыць тое самае дзяцінства. Больш за ўсё я хачу вярнуць веру ў дабрыню і справядлівасьць. Я хачу выхаваць чалавека, грамадзяніна, які ўмее рабіць правільныя высновы».

    У апошнім слове Луцкіна таксама адзначыла, што мае патрэбу ў мэдычным абсьледаваньні і дапамозе лекараў.

    У зьняволеньні ў Ксеніі Луцкіной абвастрыліся праблемы са здароўем — пачала расьці пухліна ў галаўным мозгу, абвастрылася бранхіяльная астма. Ад пастаянных галаўных боляў журналістка вымушана пастаянна прымаць абязбольвальнае.

    Чытаць яшчэ:

    «Адсутнасць голасу Дзяніса Івашына з болем адчуваецца ў Беларусі»

    «Любыя праявы пачуццяў спыняюцца». Журналістка Дар’я Чульцова, якая выйшла на свабоду, — пра тое, як жывуць і кахаюць у калоніі

    «Я нібыта разблакавала апошні ўзровень у складанай гульні». Год з жыцця Кацярыны Андрэевай

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    «Медиазона» часто пишет новости о том, как заключенных отправляют в ШИЗО, ПКТ или переводят на тюремный режим. В колониях политзаключенные не сидят в камерах, а живут в бараках, ходят на работу по улице. Но даже этих «удобств» можно лишить. По сути, осужденные отбывают двойное наказание — часто по надуманным поводам — мерзнут в одиночных камерах, дышат хлоркой и не получают письма. «Медиазона» рассказывает, как наказывают тех, кто уже наказан заключением в колониию и СИЗО.
    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці