• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Вольга Чайчыц і Андрэй Козел падалі скаргу ў найвышэйшую судовую інстанцыю краіны

    Фрылансеры будуць змагацца за свае правы. За мінулы год працоўны тандэм за супрацу з «Белсатам» атрымаў штрафаў на суму 8556 рублёў. Журналісты патрабуюць прыбраць з нарматыўных актаў неадпаведнасці Канстытуцыі.

    https://baj.media/sites/default/files/event/preview/26903926_10213261430563489_7257407493850298646_n-660x440_0.jpg

    «Канстытуцыя дае мне права на збор і распаўсюд інфармацыі. У судах нашых я не магу даказаць, што права ў мяне такое ёсць. І таму мы вырашылі звярнуцца ў Канстытуцыйны суд», – кажа Вольга Чайчыц.

    «Заўсёды трэба спрабаваць, калі нават задача перад табой стаіць немагчымая, трэба спрабаваць – магчыма, атрымаецца», – кажа аператар Андрусь Козел.

    Здымаць перадачу звароту ў Канстытуцыйным судзе журналістам забаранілі, што з’яўляецца парушэннем беларускага заканадаўства. Пацверджання прыняцця дакументу Вольга і Андрусь таксама не атрымалі.

    Не атрымалася сёння давесці незаконнасць рашэння Савецкага суда сталіцы іншым журналістам – Любові Лунёвай і Змітру Краўчуку. Суддзя Менскага гарадскога суда Валер Камісараў праігнараваў супярэчнасці ў сведчаннях міліцыянтаў і пакінуў пакаранне ў сіле. Журналістаў вінавацілі ў стварэнні сюжэту, які ніколі не выходзіў у эфір.

     

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці