Затрыманні журналістаў 12 жніўня. Агляд
13 жніўня 2020
12 жніўня ў Беларусі працягваліся акцыі пратэсту супраць фальсіфікацый вынікаў выбараў. Сілавікі паводзіліся не так жорстка, як у папярэднія дні, тым не менш не абышлося без затрыманняў журналістаў.
«Супрацоўнік ДАІ прыставіў пісталет да маёй галавы», — распавяла Вольга Цыганкова.
У Мінску быў жорстка затрыманы і збіты палітычны аналітык Віталь Цыганкоў. Разам з ім была затрыманая і доктар Вольга Цыганкова
Вольга Цыганкова распавяла наступнае:
«На Нямізе машыну спыніў супрацоўнік ДАІ, запатрабаваў выйсці з машыны. З улікам усіх падзей, калі людзей выцягваюць з машыны, збіваюць і затрымліваюць, я адмовілася. Я сказала, што пакажу дакументы з машыны. На гэта супрацоўнік ДАІ вельмі рэзка адрэагаваў, пачаў апускаць шкло, біць па машыне, прыставіў пісталет праз вакно да маёй галавы і запатрабаваў выходзіць. Я з‑за гэтага паехала наперад. Нас акружылі некалькі аўтамабіляў ДАІ, Віталя выкінулі з машыны, пабілі, паклалі на асфальт. Цяпер мы ў Маскоўскім РАУС».
Таксама ў Мінску былі затрыманыя ўкраінскія журналісты Канстанцін Рэвуцкі (Громадське телебачення) і Яўген Васільеў. Яны ночылі ў праваабаронцы Таццяны Равякі. І 12 жніўня да Таццяны прыйшлі з вобшукам.
Ператрус праводзіў СК. Цікавілі рэчы украінцаў. Канфіскаваны ноўтбук і пашпарт аднаго з украінцаў і ноўтбук Таццяны. Яна на волі.
Таксама былі затрыманыя журналісты «Белсата» Любоў Лунёва і Зміцер Солтан. Праз некаторы час іх адпусцілі, пратаколы не складалі.
На вуліцы схапілі журналіста The Village Беларусь Андрэя Лычаўку, праз некаторы час яго адпусцілі без пратакола.
У Бабруйску затрымалі журналіста «Бобруйского курьера» Андрэя Шобіна. Ён ішоў асвятляць падзеі ў горадзе. Андрэй — у ІЧУ, заўтра яго там жа (значыць суд закрыты) будуць судзіць.
Рэпрэсіі супраць журналістаў у Беларусі ў 2020 годзе (табліца, абнаўляецца)
У магілёўскім ізалятары галадаюць супраць незаконнага зьняволеньня двое журналістаў
@bajmedia
Віцебскага журналіста Вячаслава Лазарава накіравалі адбываць тэрмін зняволення ў папраўчую калонію № 15
26.12.2023
МЗС Германіі і генеральны дырэктар DW асудзілі рашэнне беларускага МУС
30.04.2024
Сеть магазинов косметики разместила в Instagram видео с ведущим, который уволился с БТ. После возмущения пропагандистов пост удалили
14.02.2024
Изменения для рекламного рынка: в Беларуси запретили выдавать выигрыши «террористам» из списка КГБ
26.01.2024
