Журналіст Яўген Меркіс шые ў калоніі абутак і чакае харчовую перадачу

«У шклоўскай калоніі №17 Яўген працуе ў цэху па пашыву спецабутку (для асуджаных і міліцыі), — піша Леанід Судаленка. — Ён з большага ў парадку, жыццё для тых месц стандартнае, на здароўе не скардзіцца. Пепапісваецца з бацькам (маці памерла, сам Яўген удавец), абмеркоўваюць харчовую перадачу (для узмоцненага рэжыму раз у чатыры месяцы да 50 кг), званкоў пакуль не дазволілі. У вольны час чытае, глядзіць тэлевізар. Нядаўна ў калонію прыязджаў з выступам лектар-гісторык (які — не ўдакладняе)».

Яўген Меркіс —  журналіст з Гомеля. Ён асвятляў акцыі пратэсту пасля прэзідэнцкіх выбараў 2020 года, вёў стрымы з мітынгаў так званых дармаедаў 2017 года. Яго неаднаразова затрымлівалі, штрафавалі і адпраўлялаі на суткі. Агулам за журналісцкую дзейнасць Яўгену прысудзілі 50 сутак арышту і больш за 200 базавых велічынь штрафаў. 13 верасня 2022 года яго затрымалі па артыкулах 361–1 і 361–4 Крымінальнага кодэкса — стварэнне экстрэмісцкага фармавання або ўдзел у ім і садзейнічанне экстрэмісцкай дзейнасці. Ён пазбаўлены волі на 4 гады (узмоцнены рэжым), нагадвае праваабаронца.

8 лістапада за кратамі Яўген ужо ў другі раз адсвяткаваў дзень народзінаў. Падтрымаць журналіста пісьмамі або паштоўкамі можна па адрасе: ПК №17, 213004, г. Шклоў, вул. 1‑я Завадская, 8, Меркісу Яўгену Аляксандравічу.

Чытайце яшчэ:

Прынялі эстафету. У Беластоку падтрымалі зняволеных журналістаў

«Ганцавіцкі час» прызналі «экстрэмісцкімі матэрыяламі»

6 лістапада Марына Золатава адзначае Дзень народзінаў. Трэці год за кратамі