Журналіста Генадзя Верацінскага пакаралі штрафам «за мітынг»
1 красавіка 2021
Журналіста і сябра БАЖ Генадзя Верацінскага выклікалі ў суд Кастрычніцкага раёна Мінска 2 красавіка а 12:00. Нашага калегу судзілі паводле пратакола, складзенага яшчэ 13 снежня.
13 снежня журналіст выйшаў з дому і накіроўваўся ў бліжэйшую харчовую краму, калі Кастрычніцкі раён Мінска патрулявалі сілавікі пасля адной з нядзельных акцый. Верацінскага схапілі, даставілі ў міліцыю і склалі пратакол за нібыта ўдзел у акцыі (тады арт. 23.34 КаАП).
Але суду ў снежні не адбылося, бо з Акрэсціна Генадзь Верацінскі трапіў у шпіталь з‑за сур’ёзных праблем з сэрцам.
Тэрмін прыцягнення да адміністрацыйнай адказнасці (2 месяцы) даўно выйшаў, але справу некалькі разоў прыпынялі (цяпер так могуць), таму Генадзя Верацінскага зноў выклікаюць у суд. Па новым артыкуле 24.23 КаАП нашаму калегу пагражае штраф, грамадскія працы альбо арышт.
UPD. Суддзя Аляксандр Рудэнка прызнаў журналіста Генадзя Верацінскага вінаватым у незаконным мітынгу (хоць ніякага мітынгу побач не было) і пакараў штрафам у 50 базавых (1450 BYN).
@bajmedia
У Брэсце за выкарыстанне дрона без дазволу фатографа пакаралі штрафам
30.10.2023
В Беларуси три министерства не смогли закрыть газету с жуткими историями, которую подбрасывают в почтовые ящики
02.05.2024
У Аляксандра Корнышава зноў правялі ператрус і распытвалі пра «Витебский курьер news»
24.05.2024
Канада падтрымае беларускія незалежныя СМІ
16.04.2024
