• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Журналістку-фрылансера з Бярозы Тамару Шчапёткіна зноў пакаралі штрафам

    Суддзя Бярозаўскага раёна Наталля Мінчанка прызнала Тамару Шчапёткіну вінаватай у парушэнні артыкула 22.9. КаАП і прызначыла штраф памерам 30 базавых велічынь (735 рублёў).

    Адміністрацыйная справа была заведзена паводле рэпартажа, які з’явіўся на інтэрнэт-старонцы “Радыё Рацыя” і быў прысвечаны закрыццю свінакомплекса ў Іванаўскім раёне.

    У пратаколе сцвярджалася, што Тамара Шчапёткіна, зрабіўшы гэты рэпартаж, парушыла заканадаўства аб сродках масавай інфармацыі, а менавіта “здзейсніла незаконны выраб і ў далейшым распаўсюд у інтэрнэт-сетцы інтэрв’ю, не маючы акрэдытацыі на тэрыторыі Рэспублікі Беларусь”.

    Тамара Шчапёткіна паведаміла службе маніторынгу ГА “Беларуская асацыяцыя журналістаў”, што не згодная з рашэннем суда і будзе яго абскарджваць.

    У пачатку жніўня журналістку-фрылансера з Бярозы ўжо судзілі за іншы рэпартаж на “Радыё Рацыя”, а таксама склалі новы адміністрацыйны пратакол за працу без акрэдытацыі.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці