Брэсцкі аблсуд не задаволіў скаргу незалежнай журналісткі Тамары Шчапёткінай
14 снежня 2017
Брэсцкі абласны суд 14 снежня адхіліў касацыйную скаргу Тамары Шчапёткінай на на рашэнне Бярозаўскага раённага суда, які прызнаў журналістку вінаватай у парушэнні заканадаўства аб СМІ.
Нагадаем, паводле рашэння Бярозаўскага райсуда 15 лістапада сябра ГА “БАЖ” Тамара Шчапёткіна была аштрафаная на 25 базавых велічынь (альбо 575 рублёў) на падставе артыкула 22.9 Кодэкса РБ аб адміністратыўных правапарушэннях — “незаконны выраб і распаўсюд прадукцыі СМІ”.
Журналістку-фрылансера пакаралі паводле складзенага на яе пратакола, з якога вынікала, што яна займалася журналісцкай дзейнасцю без акрэдытацыі ў будынку суда Кобрынскага раёна 28 верасня. Доказам гэтай дзейнасці суддзя Алена Нямкова палічыла відэасюжэт, дзе бачна, як Тамара Шчапёткіна трымае ў руках дыктафон і апытвае людзей.
Журналістка не пагадзілася з рашэннем Бярозаўскага райсуда і абскардзіла яго ў Брэсцкім абласным судзе. У сваёй скарзе Тамара Шчапёткіна даводзіла, што журналіст-фрылансер не павінен мець нейкую акрэдытацыю, а Канстытуцыя Рэспублікі Беларусь і артыкул 19 Міжнароднага пакта аб грамядзянскіх і палітычных правах дазваляюць займацца журналісцкай дзейнасцю — збіраць інфармацыю і распаўсюджваць яе — незалежна ад межаў краіны.
Аднак абласная судова ўстанова пакінула скаргу журналісткі без задавальнення.
@bajmedia
У глыбоцкай кватэры журналіста Змітра Лупача сілавікі правялі ператрус
06.12.2023
Крымінальную справу супраць кіраўніка «Маланка Медыя» Паўла Марыніча перадалі ў суд
22.02.2024
Фільм пра Кацярыну Андрэеву трапіў у конкурсную праграму прэстыжнага кінафестывалю ў ЗША
18.04.2024
Дзень народзінаў за кратамі сустракае журналістка Ірына Слаўнікава
12.07.2024
