«Рэпартэры бязь межаў» выказалі заклапочанасьць пагрозамі супраць рэдактаркі «Хартыі-97»
26 ліпеня 2018
Міжнародная арганізацыя «Рэпартэры бязь межаў» выказала занепакоенасьць пагрозамі жыцьцю беларускай журналісткі Натальлі Радзінай, якая жыве ў Польшчы. У заяве ад 26 ліпеня «Рэпартэры бязь межаў» заклікалі польскія ўлады «прыняць усе неабходныя меры, каб абараніць журналістку».
Радзіна, якая зьяўляецца рэдактаркай сайту «Хартыя-97» (Charter97.org), крытычнага ў адносінах да беларускіх уладаў, 22 ліпеня апублікавала электронны допіс з пагрозамі жыьцю і абразамі, які прыйшоў на яе адрас. Яна расказала «Рэпартэрам бязь межаў», што ўпэўненая – допіс даслалі зь Беларусі.
Сёлета 24 студзеня Міністэрства інфармацыі без папярэдняга паведамленьня выдала распараджэньне заблякаваць у Беларусі сайт Charter97.org.
Паводле афіцыйнай вэрсіі, прычынай блякаваньня «Хартыі» сталі публікацыі, якія могуць «нанесьці шкоду нацыянальным інтарэсам Рэспублікі Беларусь», артыкулы з пазначэньнем даты і месца яшчэ не дазволеных акцый пратэсту і распаўсюд інфармацыі з рэсурсаў, прызнаных экстрэмісцкімі.
19 красавіка 2018 году Палата прадстаўнікоў ухваліла зьмены ў закон аб СМІ, якія павялічваюць кантроль дзяржавы за мэдыяпрасторай і інтэрнэтам у Беларусі.
Наталья Радина заявила, что ей угрожают убийством
@bajmedia
НСЖУ перадаў Беларускай асацыяцыі журналістаў сцяг адзінства
20.08.2024
Каталіцкае радыё ў Беларусі можа страціць дом, у якім зараз працуе
10.04.2024
СК распачаў спецвытворчасць у дачыненні да журналістаў-фрылансераў Ірыны Чарняўкі і Аляксандра Кіркевіча
28.05.2024
Процент от налогов — на журналистику. Независимые СМИ предлагают читателям из Польши и Литвы новый способ поддержать их
22.02.2024
