Брэстаўчанін дамогся выдалення з сайта апытанкі наконт патрэбнасці вывучэння беларускай мовы
20 сакавіка 2020
Iнтэрнэт-партал onlinebrest.by прапанаваў сваім чытачам адказаць на пытанне “Как вы думаете, нужен ли белорусский язык и белорусская литература в школах?”
Менш чым праз суткі апытанка знікла з сайта і, як высвятліла служба маніторынгу ГА “Беларуская асацыяцыя журналістаў”, адбылося гэта пасля звароту жыхара Брэста Міколы Новіка і яшчэ некалькіх асобаў.
“Перакананы, што апытанка мела антыбеларускі змест, таму запатрабаваў яе выдалення і тлумачэнняў ад анлайн-выдання. Апытанку прыбралі, а вось наконт тлумачэнняў кіраўнік сайта Эдуард Крачко заявіў, што не адказвае на такія пытанні па тэлефоне”, — кажа Мікола Новік.
Ён таксама дадаў, што вырашыў даведацца, хто быў аўтарам зняважлівых каментароў пра беларускую мову пад тэкстам апытанкі.
“Некаторыя каментары трапілі на сайт з фэйкавых акаунтаў, але былі і допісы сапраўдных асоб. Напрыклад, студэнткі факультэта фізічнага выхавання мясцовага ўніверсітэта. Пасля маёй размовы з дэканам гэтага факультэта яна патэлефанавала сама, папрасіла прабачэння за свае словы пра беларускую мову ў мяне асабіста і ва ўсіх беларускамоўных беларусаў”, — дадаў Мікола Новік.
Што да яшчэ адной жыхаркі Брэста, то Мікола Новік накіраваў у гарвыканкам пісьмовую заяву з патрабаваннем прыцягнуць яе да адміністрацыйнай адказнасці паводле артыкула 9.22 КаАП (“Парушэнне заканадаўства аб мовах»).
@bajmedia
Дзяніс Івашын прыслаў бацькам парады, як перажыць спёку: «Ніякіх выхадаў у цяпліцу»
24.07.2024
Як працуе офіс «Белсата» ў Кіеве? БАЖ на Хрэшчатыку. ВІДЭА
05.10.2023
Віцебскага журналіста Вячаслава Лазарава накіравалі адбываць тэрмін зняволення ў папраўчую калонію № 15
26.12.2023
Міністр замежных спраў Польшчы выказаў салідарнасць са зняволеным журналістам Анджэем Пачобутам
20.12.2023
