Міністэрства інфармацыі вынесла папярэджанне тэлеканалу «Наше ТВ», якое працуе ў Віцебску

На пачатку сваёй дзейнасці кабельны тэлеканал «Наше ТВ» прэзентаваў сябе як сямейнае тэлебачанне з бесперапынным вяшчаннем для мэтавай аўдыторыі «ад 4 да 80 гадоў». Гледачам з Віцебска і бліжэйшых раёнаў абяцалі культурна-асветніцкія і інфармацыйныя перадачы, аўтарскія праграмы, гістарычныя нарысы, навінкі і класіку сусветнага кінематографа.

Але амбітныя планы не спраўдзіліся: пасля няўдалых спробаў асвятляць віцебскія навіны і рабіць якасную платную рэкламу тэлеканал перайшоў да трансляцыі расійскіх і замежных фільмаў ды відэакліпаў. Калектыў тэлеканала паступова распаўся.

Таварыства з абмежаванай адказнасцю «Наше ТВ» з’яўляецца таксама заснавальнікам тэлепраграмы «РУ.ТВ».

Дарэчы, некалькі гадоў таму відэааператарам на тэлеканале «Наше ТВ» працаваў Вячаслаў Лазараў — палітзняволены журналіст, якога вінавацяць у сувязях з «Белсатам». Лазараву інкрымінуюць ч.1 арт. 364–1 Крымінальнага кодэкса (спрыянне экстрэмісцкай дзейнасці), з моманту затрымання 9 лютага 2023 года яго ўтрымліваюць у СІЗА‑2 Віцебска.

Читайте еще: 

Журналіст Караль Гусеніца: Падзеі ў Беларусі ў 2020-ым былі важныя для палякаў праз агульнага ворага — Расію

Івулін прайграў заклад і пазваніў Мукавозчыку — папрасіцца на працу ў «СБ» і вярнуцца ў Беларусь

«Калі журналіст будзе рабіць два вялікіх якасных матэрыялы на месяц, яму на хлеб не хопіць». Гутарка з рэжысёркай Ксеніяй Галубовіч