• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    65-гадовы юбілей сустракае за кратамі Аляксандр Манцэвіч, галоўны рэдактар «Рэгіянальнай газеты»

    Рэдактара «Рэгіянальнай газеты» Аляксандра Манцэвіча затрымалі сёлета 15 сакавіка пасля ператрусу ў ягоным доме ў Вілейцы і з таго моманту ўтрымліваюць пад вартай. Журналіста вінавацяць у дыскрэдытацыі дзяржавы паводле арт. 369-1 Крымінальнага кодэкса. Следства па ягонай справе працягваецца. Сёння, 5 жніўня, сваё 65-годдзе спадар Манцэвіч вымушаны сустракаць за кратамі СІЗА.

    Паводле абвінавачання, Аляксандр Манцэвіч на пасадзе кіраўніка рэдакцыі «Рэгіянальнай газеты» разам з іншымі асобамі з 1 студзеня 2020 года па 15 сакавіка 2023 года нібыта распаўсюджваў у друкаваным выданні і яго інтэрнет-рэсурсах ілжывыя звесткі, якія дыскрэдытуюць беларускую дзяржаву і яе органы ўлады.

    Следства сцвярджае, што «ў артыкулах змяшчалася недакладная інфармацыя, накіраваная на прычыненне істотнай шкоды дзяржаўным і грамадскім інтарэсам, падрыў аўтарытэту краіны і яе органаў улады, нанясенне ўрону нацыянальным інтарэсам, дэстабілізацыю абстаноўкі сярод грамадзян Беларусі, фармаванне ілжывых уяўленняў аб невыкананні ў рэспубліцы правоў і свабод грамадзян».

    Першыя трое сутак пасля затрымання Манцэвіча ўтрымлівалі ў Маладзечанскім ізалятары часовага ўтрымання, і ў родных заставаліся спадзяванні, што ён выйдзе на волю. Аднак пасля прад’яўлення абвінавачання рэдактара «Рэгіянальнай газеты» перавялі ў Жодзінскую следчую турму № 8.

    Беларуская праваабарончая супольнасць прызнала Аляксандра Манцэвіча палітычным вязнем, зазначыўшы, што затрыманне і крымінальны пераслед рэдактара незалежнага выдання — гэта працяг мэтанакіраванай палітыкі ўладаў па абмежаванні распаўсюду непадцэнзурнай інфармацыі ў краіне і працяг наступу на свабоду слова.

    У ліпені 2021 года рэдакцыя «Рэгіянальнай газеты» вымушана прыпыніла выпуск друкаванага выдання і засяродзілася на інтэрнэт-версіі. У студзені 2023 года Мінінфарм на падставе рашэння суда Маладзечанскага раёна ўнёс сайт і тэлеграм-канал «Рэгіянальнай газеты» ў «Рэспубліканскі спіс экстрэмісцкіх матэрыялаў». Пасля атакі сілавікоў на рэдакцыю і затрымання галоўнага рэдактара, той жа суд прызнаў «экстрэмісцкім» яшчэ і кантэнт выдання ў сацсетцы «ВКонтакте».

    Ціск на Манцэвіча за журналісцкую дзейнасць распачаўся ўжо даўно. Яшчэ ўлетку 2021 года праваахоўныя органы прыходзілі з ператрусам у памяшканне рэдакцыі і ў дом галоўнага рэдактара. А яшчэ раней, напрыканцы 2019-га «Рэгіянальную газету» ўцягнуў у гучны скандал Маладзечанскі завод парашковай металургіі. Выданне апублікавала фотаздымак, дасланы чытачамі: у завадской прыбіральні кавалкі мыла прывязаныя да рукамыйнікаў вяроўкай. Дырэктар завода заявіў, што фота рэальнае, але публікацыю назваў правакацыйнай і звярнуўся ў суд з патрабаваннем змусіць рэдакцыю надрукаваць абвяржэнне і прынесці прабачэнні.

    «Мы не разумеем, якое абвяржэнне мусім даць, таму што завод прызнае фота, на якім відаць мыла, прывязанае вяроўкай», — адкаментаваў тады прэтэнзію галоўны рэдактар, выказаўшы агульную пазіцыю выдання. Урэшце дырэктар завода перадумаў судзіцца з газетай.

    У журналістыку Аляксандр Манцэвіч прыйшоў ужо ў свядомым узросце. Перад тым па сканчэнні Мінскага радыётэхнічнага інстытута паспеў папрацаваць на Вілейскім заводзе «Зеніт». Журналісцкая адукацыя стала для яго другой вышэйшай. У 1995 годзе ён стаў заснавальнікам і галоўным рэдактарам тыднёвіка «Рэгіянальная газета» — незалежнага выдання, якое асвятляе жыццё Маладзечна і памежжа Мінскай і Гродзенскай абласцей.

    Калегі адгукаюцца пра Аляксандра Манцэвіча  як прынцыповага і дасведчанага рэдактара. Як аўтар уласных артыкулаў ён неаднаразова станавіўся пераможцам журналісцкіх конкурсаў і быў уганараваны прэміямі за высокія стандарты працы.

    Чытайце яшчэ:

    Іосіф Сярэдзіч: «Я зыходжу». Што будзе з «Народнай Воляй»?

    Сайты, YouTube-праекты, аудыяпадкасты. Якія медыйныя праекты з’явіліся ў беларускай інфапрасторы ў 2023‑м

    У Светлагорску затрымалі рэдактарку кампаніі «Ранак»

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці