Блогера Аляксандра Кабанава будуць судзіць у Магілёве
16 студзеня 2021
Крымінальную справу брэсцкага блогера Аляксандра Кабанава будуць разглядаць у судзе Кастрычніцкага раёна Магілёва. Дата пачатку працэсу пакуль невядомая, паведамляе "Вясна".
Раней планавалася, што суд адбудзецца ў Брэсце, але старшыня Брэсцкага абласнога суда накіраваў справу блогера ў Вярхоўны суд для змены падсуднасці — каб справа разглядалася па-за межамі Брэсцкай вобласці.
Беларускія праваабаронцы прызналі блогера Аляксандра Кабанава палітвязнем.
Палітвязень Аляксандр Кабанаў быў затрыманы 15 чэрвеня, калі пайшоў па выкліку ў паліклініку для кантролю па адбыцці карантыну, і дастаўлены ў ізалятар часовага ўтрымання Ленінскага раёна Брэста. Тады суд пакараў блогера адміністрацыйным арыштам на 15 дзён. Аднак 20 чэрвеня блогер знік з ІЧУ. Ягоны лёс стаў вядомы праваабаронцам толькі 25 чэрвеня, калі ў бацькоў Аляксандра Кабанава адбыўся вобшук, а самога блогера этапіравалі ў Мінскі СІЗА‑1.
Аляксандр Кабанаў знаходзіўся ў статусе падазраванага па крымінальнай справе, распачатай паводле ч. 1 арт. 342 Крымінальнага кодэкса («Падрыхтоўка дзеянняў, якія груба парушаюць грамадскі парадак»).
Крымінальны пераслед звязаны з падзеямі ў Гродне 29 траўня, калі на цэнтральнай плошчы горада падчас збору подпісаў для вылучэння ў якасці кандыдата ў прэзідэнты Святланы Ціханоўскай быў затрыманы блогер Сяргей Ціханоўскі і яго паплечнікі.
Требуем немедленного освобождения всех обвиняемых по статье 342 Уголовного кодекса Республики Беларусь
@bajmedia
У гадавіну смерці Рамана Бандарэнкі на БТ адбылася прэм’ера шоу, дзе адзін з удзельнікаў — Шакута
15.11.2023
Беларус Дзмітрый Шэпелеў будзе весці шоу на тэлеканале «Расія». Раней ён выступаў супраць вайны
06.09.2023
Дзяніс Івашын прыслаў бацькам парады, як перажыць спёку: «Ніякіх выхадаў у цяпліцу»
24.07.2024
«Затрымалі на святы». У Гродне працягваюцца затрыманні за падпіску на Instagram Руслана Кулевіча
09.01.2024
