Перастаў адчыняцца з Беларусі devby.io

Рэдакцыя медыя звярнулася ў Мінінфарм па тлумачэнні, аднак адказу яшчэ не атрымала. Каманда працягвае працу. 

Мінулы раз спецыялізаванае выданне блакавалі ў траўні 2023 года.

Dev.by — інтэрнэт-выданне пра беларускую ІТ-галіну. Платформа  заснаваная ў 2008 годзе і асвятляе ўсе значныя падзеі, якія адбываюцца ў індустрыі, або могуць на яе паўплываць. Сярод іншага збірае каталог беларускіх кампаній і водгукі пра іх; вядзе поўны каляндар падзей і статыстыку заробкаў; размяшчае вакансіі для кандыдатаў. Штомесяц навіны, аналітыку, расследаванні чытаюць і абмяркоўваюць у сярэднім мільён унікальных наведнікаў.

«Рэдакцыя Dev.by незалежная ад заснавальнікаў і інвестараў, дзейнічае ў інтарэсах чытачоў, ІТ-супольнасці і не абслугоўвае карпаратыўныя інтарэсы якіх-небудзь кампаній. Мы не рэсурс пра тэхналогіі і бізнесы ў вакууме. Найвышэй мы цэнім кам’юніці, якое сабралі вакол выдання за паўтара дзясятка гадоў, і разам з ім ідзем праз ідэальны шторм (а калі і — штыль): пішам пра ўсё, што яму важна, карысна, цікава і балюча проста цяпер»,  — падкрэсліваецца ва ўнутраным кодэксе калектыву.

Чытайце яшчэ:

Магілёўскага відэааператара Яўгена Глушкова трымаюць у СІЗА і вінавацяць «за ўдзел у экстрэмісцкім фармаванні»

Флэшмоб «21»: што рабілі і як выглядалі беларускія медыйшчыкі ў свае 21 год

Адвакаты прыйшлі ў дзяржаўную газету ў Пружанах з дзіўнай мэтай