Справу Ларысы Шчыраковай перадалі ў суд

Так, Ларысу Шчыракову абвінавачваюць у «распаўсюдзе заведама ілжывых звестак, якія дыскрэдытуюць Рэспубліку Беларусь у сетцы Інтэрнэт, а таксама садзейнічанне экстрэмісцкай дзейнасці».

Паводле матэрыялаў следства, Ларыса «са жніўня 2020 года па снежань 2022 года, выкарыстоўваючы напружаную грамадскую сітуацыю і імкнучыся дэстабілізаваць абстаноўку ў краіне, праз розныя месенджары і ўліковыя запісы ў сацыяльных сетках прадаставіла для размяшчэння і размясціла ў сетцы Інтэрнэт, у тым ліку на дэструктыўных рэсурсах, інфармацыйныя матэрыялы з загадзя ілжывымі звесткамі, якія дыскрэдытавалі Рэспубліку Беларусь».

Прасцей кажучы, былую журналістку абвінавачваюць у тым, што яна займалася незалежнай журналістыкай і выконвала свае прафесійныя абавязкі: «ажыццяўляла збор, стварэнне, апрацоўку, захоўванне і перадачу аўдыё , – відэа , – фота – і тэкставай інфармацыі, для далейшага выкарыстання на інфармацыйных рэсурсах «Вясна» і «Белсат». Праўда, лукашэнкаўскія сілавікі лічаць, што яна рабіла гэта «ў мэтах забеспячэння экстрэмісцкай дзейнасці».

Такім чынам былую журналістку будуць судзіць паводле двух крымінальных артыкулаў – 369 – 1 (дыскрэдытацыя Рэспублікі Беларусь), ч.1 і ч. 2 арт. 361 – 4 Крымінальнага кодэксу Рэспублікі Беларусь (садзейнічанне экстрэмісцкай дзейнасці і тое ж дзеянне, якое ажыццяўляецца паўторна.

Паводле вышэйназваных артыкулаў Ларысе Шчыраковай можа пагражаць да сямі гадоў зняволення.Суд над жанчынай будзе адбывацца ў Гомельскім абласным судзе. 

Нагадаем, Ларысу Шчыракову затрымалі 6 снежня мінулага года. За некаторы час да затрымання жанчына абвясціла пра тое, што сыходзіць з прафесіі і пачала займацца этнафотасесіямі і псіхалогіяй. Пасля затрымання яе бацькі засталіся самотнымі і без пільнага дагляду, а сына забралі ў прытулак для няпоўнагадовых. На шчасце, былы муж Ларысы змог забраць хлопца адтуль. Але ў чэрвені здарылася гора – памерла маці Ларысы. Жанчыну не адпусцілі з СІЗА на пахаванне.

Чытайце яшчэ: 

«Калі я адказны за тое, што Пятрашка цяпер робіць у эфіры, то мяне трэба пакараць». Шчырае інтэрв’ю з экс-дацэнтам журфака — пра калег і чорныя спісы

Комитет защиты журналистов: Все чаще представителям медиа требуется помощь при эвакуации из своих стран

У ютубе з’явілася сакавітае шоу пра беларускую мову