• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Экстрэмісцкай інфармацыйнай прадукцыяй прызналі кантэнт рэгіянальных выданняў «Магілёў.Media» і «Першы Пінскі»

    Рашэнне пра наяўнасць «экстрэмізму» ў магілёўскіх медыя прыняў 22 снежня 2023 года суд Ленінскага раёна Магілёва. На гэтай падставе Міністэрства інфармацыі Беларусі ўнесла інтэрнэт-рэсурсы ў Рэспубліканскі спіс экстрэмісцкіх матэрыялаў.

    Паводле рашэння суда Ленінскага раёна Магілёва «экстрэмісцкай інфармацыйнай прадукцыяй» прызнаныя сайты mogilev.media і mogilev.news, а таксама старонкі пад назвай «Навіны Магілёўскага рэгіёну» ў сацыяльных сетках:

    29 лістапада 2023 года гэтыя інтэрнэт-рэсурсы былі прызнаныя Камітэтам дзяржаўнай бяспекі Рэспублікі Беларусь «экстрэмісцкімі фармаваннямі». Наўздагон КДБ правёў шэраг ператрусаў у журалістаў і грамадскіх актывістаў, якіх палічыў датычнымі да працы рэдакцыі інтэрнэт-выдання «Магілёў.Media». Барыса Вырвіча, Аляксандра Агеева, Ігара Шаруху, Пятра Мігурскага, Сяргея Антонава і Аляксея Бацюкова дапыталі ў КДБ у межах крымінальнай справы, распачатай за спрыянне экстрэмізму.

    Пасля гэтага Сяргей Антонаў палічыў за лепшае пакінуць Беларусь. Адбыўшы 15 сутак арышту, падчас якога супрацоўнікі КДБ дапытвалі некалькі разоў, з Беларусі з’ехаў і Аляксей Бацюкоў. Падчас допытаў яго змушалі прызнаць, што ён атрымліваў замовы з‑за мяжы на тое, каб «ачарняць» беларускую рэчаіснасць, працуючы ў незалежных СМІ. Кадры з гвалтоўным затрыманнем Бацюкова былі паказаныя ў перадачы «Мордой в пол» у эфіры мясцовага дзяржаўнага тэлебачання: яе стваральнікі сцвярджалі, што магілёўскія сілавікі выкрылі цэлую сетку здраднікаў, якімі кіраваў з Польшчы былы магілёўскі актывіст Зміцер Салаўёў.

    Паводле абноўленага Рэспубліканскага спісу экстрэмісцкіх матэрыялаў, «экстрэмісцкай інфармацыйнай прадукцыяй» стала таксама  рэгіянальнае інтэрнэт-выданне «Першы Пінскі» — яго сайт 1pinsk.by  і акаўнт ў сацсетцы Insta­gram (https://www.instagram.com/1pinsk.by). Адпаведнае рашэнне было прынятае 21 снежня 2023 года судом Пінскага раёна і горада Пінска.  

    На тыдзень раней, 13 снежня 2023, той самы суд палічыў «экстрэмісцкай» старонку выдання ў сацыяльнай сетцы «Одноклассники». А сёлета 3 студзеня сайт «Першы Пінскі» быў заблакаваны ў Беларусі на загад міністра інфармацыі Уладзіміра Пярцова.

    Чытайце яшчэ:

    Сайт і сацсеткі выдання «Новы Час» абвесцілі экстрэмісцкай інфармацыйнай прадукцыяй

    Улады пазбавілі БАЖ даменнага імя і пошты. БАЖ звяртаецца ў ICANN

    «Калі ў хату ніхто не пагрукаў, на сёння і гэта вялікі пазітыў!» Калегі ў Беларусі пра адыходзячы год, мары, надзеі і пачуцці

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці