Генеральным дырэктарам «Рэпарцёраў без межаў» стаў Цібо Брутэн

Савет дырэктараў «Рэпарцёраў без межаў» (RSF) прызначыў Цібо Брутэна генеральным дырэктарам арганізацыі на пасяджэнні 9 ліпеня 2024 года. Пра гэта паведамляецца на сайце RSF.

Цібо Брутэн. Фота: RFS

Цібо Брутэн замяніў на гэтай пасадзе Крыстофа Дэлуара, які памёр 8 чэрвеня. 

«Мы перакананыя, што Цібо Брутэн з’яўляецца ідэальным чалавекам для кіраўніцтва RSF у гэтай новай фазе яе развіцця, у кантэксце, калі права на інфармацыю сутыкаецца з праблемамі ва ўсім свеце. Вопыт і доўгатэрміновая адданасць Цібо арганізацыі стануць неацэннымі актывамі. Мы ведаем, што ён імкнецца адстойваць шлях, пракладзены Крыстафам Дэлуарам, які цвёрда верыў, што абарона права на інфармацыю залежыць не толькі ад журналістаў, але і ад усіх грамадзян. Мы жадаем Цібо Брутэну поспехаў у яго новай ролі», — адзначыў прэзідэнт RSF П’ер Хаскі.

Цібо Брутэн далучыўся да «Рэпарцёраў без межаў» у 2014 годзе. З 2021 года ён выконваў абавязкі намесніка генеральнага дырэктара, а ў 2024 годзе выконваў абавязкі часовага генеральнага дырэктара разам з дырэктаракай па рэсурсах і развіцці Элодзі Тручон.

Брутэн дапамагаў развіваць асноўныя ініцыятывы RSF, такія як Ініцыятыва журналісцкага даверу журналістаў (JTI), эвакуацыя афганскіх журналістаў, спадарожнікавы букет Свабоды, які транслюе незалежныя навіны для расейскамоўнай аўдыторыі як у Расіі, так і за мяжой. З 2016 года Брутэн таксама ўдзельнічаў у кампаніях супраць узмацнення ціску бізнесмена Вінцэнта Баларэ на французскія медыі.

«Для мяне вялікі гонар мець давер, аказаны мне Саветам дырэктараў RSF. З дапамогай нашай каманды я поўны рашучасці прытрымлівацца стратэгіі, распрацаванай Крыстофам, каб адстойваць свабодную, незалежную і разнастайную журналістыку ва ўсім свеце. Яго бітвы — гэта і нашы бітвы. Мы павінны знайсці новыя спосабы мабілізацыі для абароны права на дакладную інфармацыю, якое ўплывае на грамадзян гэтак жа, як свабода прэсы ўплывае на журналістаў», — падкрэсліў Цібо Брутэн, новы генеральны дырэктар «Рэпарцёраў без межаў».

Савет дырэктараў таксама прызначыў Элодзі Тручон намесніцай генеральнага дырэктара і кіраўніцый аддзелу рэсурсаў і развіцця RSF.

Нагадаем, былы генеральны сакратар і генеральны дырэктар международнай арганізацыі  «Рэпартэры без межаў» Крыстоф Дэлуар памёр 8 чэрвеня 2024 года пасля цяжкай хваробы. Яму было 53 гады, пасаду кіраўніка RSF ён займаў з 2012 года.