Чэк-ліст ад кіберспецыялістаў па наладах Viber

Многія з вас працягваюць выкарыстоўваць Viber для зносін з сваякамі ці для іншых штодзённых спраў, хоць рэпутацыя гэтага месенджара ў плане прыватнасці далёкая ад ідэалу. Калі пакуль немагчыма цалкам адмовіцца ад яго, важна прынамсі зрабіць яго больш бяспечным.

Фота: БАЖ

Viber — не самы бяспечны месэнджар. Для адчувальных камунікацый КіберБабёр раіць выбраць Sig­nal. Але калі Viber патрэбен, то лепш за яго наладзіць бяспечней і выкарыстоўваць для побытавых мэт.

Наладзьце двухэтапную праверку (2FA)

Уключыце 2FA і ўсталюйце складаны PIN (не 1234 і не дата народзінаў). адзначце рэзервовы email, да якога ў вас надзейны доступ і праверце 2FA і на самім email.

Налады → Прыватнасць → Двухэтапная праверка

Задайце налады прыватнасці

Налады → Прыватнасць

Уключыце:

• Схаваць статус кантакту («У сеткі»)
• Схаваць статус паведамленняў («Прагледжана»)
• Хто можа дадаваць у групы: «Мае кантакты»
• Забараніць доступ да кантактаў, калі не патрабуецца

Адключыце:

• Дазволіць рэкамендацыі
• Выкарыстоўваць peer-to-peer

Как What­sapp и другие мессенджеры используются для распространения дезинформации

Адключыце аўтазахаванне фота і відэа

Медыя з Viber могуць аўтаматычна захоўвацца ў галерэю тэлефона і трапляць у воблачныя бэкапы (Google / iCloud).

Налады → Мультымедыя:

• Адключыць «Захоўваць у галерэю»
• Адключыць аўтазагрузку кантэнту

Рэзервовае капіяванне чатаў

Важна разумець, што бэкапы захоўваюцца ў незашыфраваным выглядзе, і той, хто мае магчымасць адначасова зайсці ў ваш акаўнт Viber і ў акаўнт Google / iCloud, зможа аднавіць гісторыю вашых чатаў. Таму калі ў вас высокая рызыка несанкцыянаванага доступу да акаўнта ці прылады, то лепш адключыць хмарнае рэзервовае капіяванне чатаў

Налады → Уліковы запіс → Рэзервовае капіяванне → пераканайцеся, што функцыя неактыўная.

Злучаныя прылады 

Калі вы выкарыстоўваеце Viber на камп’ютары, то праверце спіс падлучаных прылад і выдаліце невядомыя:

Налады → Уліковы запіс → Камп’ютары і планшэты

У Telegram і Viber ёсць функцыя, якая можа стаць праблемай падчас праверак тэлефона. Расказваем, як яе адключыць

Сакрэтныя чаты

Для адчувальных кантактаў выкарыстоўвайце схаваныя чаты з уключаным таймерам самазнішчэння паведамленняў. Для гэтага выберыце патрэбны чат, змахніце па ім налева і адзначце «Схаваць».

Важна: Viber падтрымвае end-to-end шыфраванне па змаўчанні, але калі гэта зачыненая платформа, то праверыць рэалізацыю шыфравання праблематычна.

Наладзьце push-паведамленні

На заблакаваным экране варта паказваць толькі «Новае паведамленне», без тэксту і без імя адпраўніка.