Камітэт абароны журналістаў шукае каардынатара праграм па Усходняй Еўропе і Цэнтральнай Азіі

Com­mit­tee to Pro­tect Jour­nal­ists (CPJ) прапануе вакансію Pro­gram Coor­di­na­tor, East­ern Europe/Central Asia. Праца цалкам дыстанцыйная, кандыдат павінен знаходзіцца ў Еўропе. Дэдлайн падачы заявак — 10 верасня 2026 года.

CPJ — незалежная некамерцыйная арганізацыя, заснаваная ў 1981 годзе, якая абараняе журналістаў і свабоду прэсы ва ўсім свеце. Арганізацыя дакументуе парушэнні свабоды прэсы, дапамагае журналістам у небяспецы, займаецца адвакатыўнай дзейнасцю і выступае за вызваленне журналістаў, якія знаходзяцца ў зняволенні.

Абавязкі

Pro­gram Coor­di­na­tor будзе адказваць за працу CPJ у рэгіёне Усходняй Еўропы і Цэнтральнай Азіі. Сярод асноўных задач:

• маніторынг і дакументаванне парушэнняў свабоды прэсы і нападаў на журналістаў;
• правядзенне даследаванняў, падрыхтоўка аналітычных, мультымедыйных і навінавых матэрыялаў;
• распрацоўка і рэалізацыя адвакатыўных стратэгій для абароны журналістаў;
• узаемадзеянне з урадамі, міжнароднымі і рэгіянальнымі арганізацыямі, медыя і грамадзянскай супольнасцю;
• прадстаўленне CPJ у медыя, на мерапрыемствах і міжнародных форумах;
• рэагаванне на выпадкі, калі журналістам пагражае небяспека, і арганізацыя неабходнай дапамогі;
• каардынацыя працы рэгіянальных даследчыкаў, карэспандэнтаў і падрадчыкаў;
• кіраўніцтва невялікай рэгіянальнай камандай.

Асаблівая ўвага будзе надавацца кандыдату з вялікім досведам працы з тэмамі свабоды прэсы ў Расіі і Усходняй Еўропе.

Асноўныя патрабаванні

• вышэйшая адукацыя або эквівалентны прафесійны досвед;
• не менш за 7 гадоў досведу ў медыя або адвакатыўнай дзейнасці, звязанай са свабодай прэсы ў рэгіёне;
• глыбокае разуменне праблемаў свабоды прэсы і геапалітычнага кантэксту рэгіёна;
• моцныя аналітычныя і даследчыя навыкі;
• здольнасць пісаць якасныя і лаканічныя справаздачы і аналітычныя матэрыялы;
• свабоднае валоданне англійскай і рускай мовамі; веданне іншых рэгіянальных моў будзе перавагай;
• добрыя камунікацыйныя, перамоўныя і арганізацыйныя навыкі;
• досвед кіраўніцтва камандай;
• гатоўнасць час ад часу ездзіць у камандзіроўкі па рэгіёне;
• валоданне Google Work­space.

Перавагай таксама будуць кантакты ў рэгіёне, досвед у сферы лічбавых пагроз і сачэння, распрацоўкі палітык, мультымедыйнай і дата-журналістыкі, а таксама працы з выпадкамі, звязанымі з траўмай журналістаў.

Умовы

Пазіцыя цалкам дыстанцыйная і разлічаная на чалавека, які знаходзіцца ў Еўропе. Пры неабходнасці трэба быць даступным для сустрэч і працы ў паўночнаамерыканскім усходнім часавым поясе (US East­ern Time).

Узровень аплаты залежыць ад досведу, навыкаў і краіны пражывання. Для арыенціру: калі б пазіцыя была ў Вялікабрытаніі, прапанаваны дыяпазон складае 72 250–84 000 фунтаў стэрлінгаў у год.

Як падаць заяўку

Рэзюмэ і заяўку неабходна падаць праз старонку вакансіі Com­mit­tee to Pro­tect Jour­nal­ists на Bam­booHR.

Дэдлайн падачы заявак — 10 верасня 2026 года.

Падрабязнасці пра вакансію