Лабараторыя экалагічнай журналістыкі ад IDEM (дэдлайн — 30 красавіка)

Інстытут дэмакратыі, медыяў і культурнага абмену (IDEM) збірае заяўкі на ўдзел у SDG LABORATORY for Green Jour­nal­ism ад медыйшчыкаў, зацікаўленых у даследаванні ўстойлівага развіцця, змены клімату і экалагічных праблем.

Фота: Ale­na Koval / pexels.com

Гэта магчымасць для журналістаў з Беларусі, Малдовы, Германіі, Польшчы, Францыі і Украіны, якія маюць вопыт працы ў друкаваных і анлайн-СМІ, на радыё, у падкастах або на тэлебачанні.

Праграма

• Экспертныя веды: удзельнікі даведаюцца пра энергетычны пераход, цыркулярную эканоміку, жыллёвы крызіс і ўстойлівае лясное гаспадаранне.
• Практычная падрыхтоўка: удасканаленне метадаў расследавання, ведаў у галіне лічбавай бяспекі і навыкаў працы з інструментамі штучнага інтэлекту.
• Трансгранічнае супрацоўніцтва: праца з журналістамі з шасці краін над сумеснымі праектамі.
• Практычны досвед: удзел у трох афлайн-лабараторыях у Малдове, Германіі і Польшчы, у тым ліку экскурсіі ў адпаведныя арганізацыі і навукова-даследчыя інстытуты.

Усе выдаткі на праезд, пражыванне і харчаванне пакрываюцца арганізатарамі.

Для фінансавання расследаванняў прадугледжана абмежаваная кампенсацыя выдаткаў на трансгранічныя даследчыя паездкі.

Расклад

• Стартавая сустрэча (онлайн): 21 мая 2025 года.
• Палявая лабараторыя (Малдова): 17–22 чэрвеня 2025 года.
• Палявая лабараторыя (Польшча): 12–16 кастрычніка 2025 года.
• Анлайн-сустрэчы: з кастрычніка па лістапад 2025 года.
• Завяршэнне праекта (анлайн-прэзентацыя): 10 снежня 2025 года.

Умовы

• Публікацыі: удзельнікі павінны падрыхтаваць як мінімум тры матэрыялы падчас праекта, у тым ліку адзін матэрыял трансгранічны.
• Мова: валоданне англійскай мовай абавязковае. Публікацыі могуць быць на роднай мове.
• Праезд: Удзельнікі павінны мець дзейсныя падарожныя дакументы.

Каб прыняць удзел у лабараторыі, трэба запоўніць ФОРМУ

Дэдлайн для заявак — 30 красавіка 2025 года.