Marion Gräfin Dönhoff Fellowship — стыпендыя-стажыроўка ў Германіі (дэдлайн — 30 красавіка)

Журналісты ва ўзросце ад 23 да 35 гадоў з Беларусі, Украіны, краін Цэнтральнай Азіі, Каўказа, Малдовы, краін Балтыйскага рэгіёну і Расіі могуць прыняць удзел у праграме Mar­i­on Gräfin Dön­hoff Fel­low­ship.

Марыён Дзёнхоф. Крыніца фота: ndr.de

Стажыроўка пачнецца ў сярэдзіне кастрычніка і будзе доўжыцца 8 тыдняў. Удзельнікі будуць працаваць ва ўсходнееўрапейскіх або нямецкіх СМІ. Агранізатары выбіраюць адпаведныя медыі разам са стыпендыятамі з улікам іх інтарэсаў і кваліфікацыі. 

Падчас стажыроўкі удзельнікі інтэгруюцца ў працоўны працэс прымаючых СМІ, а таксама працуюць над уласнымі журналісцкімі праектамі і робяць рэпартажы для сваіх рэдакцый. Добрае валоданне нямецкай або англійскай мовай з’яўляецца абавязковай умовай.

Стыпендыя складаецца з аднаразовай выплаты ў памеры 4000 еўра. Гэтая сума прызначана для пакрыцця выдаткаў на праезд, харчаванне і пражыванне падчас знаходжання за мяжой, візавых збораў і медыцынскай страхоўкі. Ганарар за журналісцкую працу не прадугледжваецца. 

Дэдлайн заявак: 30 красавіка 2026 года.

ПАДРАБЯЗНАСЦІ І РЭГІСТРАЦЫЯ

Стыпендыя Mar­i­on Gräfin Dön­hoff Fel­low­ship заснавана ў 2001 годзе ў гонар рэдактаркі штотыднёвай газеты DIE ZEIT Марыён Дзёнхоф, якая актыўна ўдзельнічала ў барацьбе з нацысцкім рэжымам і лічылася самай уплывовай нямецкай журналісткай пасляваеннага перыяду. Праграма штогод дае маладым журналістам з Германіі і Усходняй Еўропы магчымасць асабіста азнаёміцца з бягучымі палітычнымі, эканамічнымі і культурнымі падзеямі і журналісцкім асяроддзем іншых краін.