Нязмушаны нэтворкінг у Вільні: чаго нам не хапае для супрацоўніцтва паміж актывіст_камі і журналіст_камі (дэдлайн — 17 сакавіка)

Беларускіх актывіст_ак і журналіст_ак запрашаюць утульна правесці вечар серады 19 сакавіка на віленскай нэтворкінг-сустрэчы.

Вы зможаце ўсталяваць новыя кантакты з грамадзянскай супольнасцю і медыя, абмеркаваць міфы і рэчаіснасць пра сумесную працу, падзяліцца класнымі практыкамі міжсектарнага партнёрства ў самых розных фарматах або нават прыдумаць новую ідэю для супрацоўніцтва. 

Мы бяром на сябе стварэнне бяспечнага і камфортнага асяроддзя, а таксама напоі і закускі, з вас — добры настрой і жаданне камунікаваць з іншымі гасцямі мерапрыемства. Для павелічэння якасці і спрашчэння камунікацыі нашая сустрэча будзе мадэравацца.

Дата і час: 19 сакавіка, 18:00–20:30

Месца: цэнтр Вільні

Абавязкова папярэдняя рэгістрацыя па спасылцы да 17 сакавіка ўключна.

РЭГІСТРАЦЫЯ

Дакладнае месца мы паведамім асобным лістом удзельні_цам, якія пройдуць верыфікацыю.

Мерапрыемства ладзяць арганізацыя ІншыЯ і аб’яданне беларусаў Нямеччыны Разам у партнёрстве з Беларускай асацыяцыяй журналістаў.

Мерапрыемства адбываецца ў межах праекта «Togeth­er 4 val­ues ​​— JA», які сумесна рэалізуюць арганізацыі ІншыЯ і Razam e.V. пры падтрымцы Міністэрства замежных спраў Федэратыўнай Рэспублікі Германія.