Пачынаецца рэгістрацыя на “БАЖынкі-2015”!
21 ліпеня 2015
Карпаратыўны спартыўна-культурніцкі фэст “БАЖынкі-2015” адбудзецца 7-8 жніўня. Гэтым разам у госці запрашае Віцебшчына. Рэгістрацыя – да 3 жніўня!
Арганізатары вырашылі сёлета больш засяродзіцца на творчасці, чым на спорце. Удзельнікаў чакае майстар-клас па “вікіфікацыі” ад прафесіяналаў з «Фаланстэра», якія навучаць не толькі вышукваць інфармацыйныя скарбы побач з намі, але і самастойна пісаць артыкулы для “Вікіпедыі”. Паспрабаваць будзе магчымасць у кожнага!
Акрамя таго, мясцовыя адмыслоўцы распавядуць журналістам пра адметнасці, выбітных асобаў, паданні і легенды краю.
Ну і спартовыя баталіі, вясковую рамантку, народныя прысмакі, рыбалку і музыку таксама ніхто не адмяняў! Як і прэзентацыі каманд з прызамі для самых актыўных і крэатыўных.
Нагадваем, што ў “БАЖынках” могуць браць удзел толькі сябры ГА “БАЖ”, гатовыя ўдзельнічаць ВА ЎСІХ мерапрыемствах фэсту. Тым, хто зарэгіструецца, дашлюць далейшыя інструкцыі.
Што трэба, каб зарэгістравацца на “БАЖынкі-2015”?
- Запоўніць фармуляр, дзе пазначыць сваё імя і прозвішча, горад (рэгіён), мабільны тэлефон, электронную пошту і год уступлення ў ГА «БАЖ»,
Усе пытанні ці ўдакладненні па арганізацыі і правядзенні фэсту дасылайце на адрас: alsurovets@gmail.com альбо тэлефануйце: (029) 667 30 28.
Запрашаем!!!
@bajmedia
З праграмістаў у журналісты: як здзейснілася мара Аляксандра Івуліна
19.02.2025
Журналісту Ігару Карнею падоўжылі знаходжанне ў ПКТ
04.10.2024
Вярхоўны суд пакінуў у сіле вырак Настассі Мацяш, асуджанай да двух гадоў зняволення
01.07.2024
Рыгор Азаронак будзе здымаць дакументальныя фільмы пра падзеі 2020 года
08.10.2024
