Культура і медыя: нэтворкінг для новых партнёрстваў

Беларуская Рада Культуры разам з Беларускай асацыяцыяй журналістаў у межах Art­Pow­er Belarus запускаюць праграму для тых, хто стварае культурныя праекты і кантэнт: культурніцкіх арганізацый і ініцыятыў, медыя, журналістаў, блогераў, незалежных аўтараў, кантэнт-крыэйтараў і іншых актараў, зацікаўленых у новых партнёрствах.

Што дасць праграма?

Калі вы ствараеце культурніцкія праекты, вы зможаце:

• лепш зразумець логіку медыя і іншых стваральнікаў кантэнту;
• убачыць, што ваш праект можа прапанаваць патэнцыйным партнёрам;
• навучыцца знаходзіць у сваіх праектах тэмы і гісторыі, цікавыя больш шырокай аўдыторыі;
• падрыхтаваць кароткі і зразумелы пітч сваёй ідэі.

Калі вы працуеце ў медыя, ствараеце кантэнт або маеце ўласную аўдыторыю, вы зможаце:

• знайсці новых герояў, тэмы і экспертызу;
• пазнаёміцца з культурніцкімі праектамі і ініцыятывамі;
• знайсці ідэі для матэрыялаў, кампаній, спецпраектаў і іншых фарматаў;
• сустрэць патэнцыйных партнёраў для сумесных праектаў.

А для ўсіх гэта магчымасць:

• знайсці новыя прафесійныя кантакты;
• убачыць, якія рэсурсы і экспертыза ёсць у іншых;
• атрымаць зваротную сувязь на сваю ідэю;
• знайсці новыя фарматы супрацоўніцтва;
• перайсці ад «расказаць пра свой праект» да «прыдумаць і зрабіць нешта разам».

Фармат праграмы

Праграма складаецца з двух анлайн-воркшопаў і фінальнага афлайн-нэтворкінгу ў Варшаве.

• 1 кастрычніка, 17:00–20:00 (па Варшаве)

Анлайн-воркшоп пра тое, як знаходзіць агульныя інтарэсы, гісторыі і магчымасці для супрацоўніцтва, што розныя бакі могуць прапанаваць адно аднаму і як з простай тэмы можа вырасці сумесны праект.

• 5 кастрычніка, 17:00–19:00 (па Варшаве)

Практычны воркшоп, падчас якога ўдзельнікі будуць працаваць са сваімі ідэямі, вучыцца сцісла тлумачыць іх сутнасць і каштоўнасць, адаптаваць пітч пад розных суразмоўцаў і атрымаюць магчымасць пратэставаць яго на іншых удзельніках.

• 14 кастрычніка, 11:30–16:30 (па Варшаве)
  Афлайн-нэтворкінг у Варшаве

Сустрэча культурніцкіх арганізацый, медыя, журналістаў, блогераў, аўтараў і іншых стваральнікаў кантэнту. У праграме — прыклады паспяховых калабарацый, пітчынгі ідэй, зваротная сувязь і шмат часу на знаёмствы і размовы пра патэнцыйныя сумесныя праекты. Важна, што прыняць удзел у пітчынгу змогуць толькі тыя ўдзельнікі, якія далучыліся да ўсёй праграмы, у тым ліку, да анлайн сустрэч.

Як можна далучыцца?

Пры рэгістрацыі можна выбраць адзін з двух варыянтаў:

1. Уся праграма

Два анлайн-воркшопы 1 і 5 кастрычніка + афлайн-нэтворкінг 14 кастрычніка ў Варшаве.

Гэты варыянт падыдзе тым, хто хоча не толькі пазнаёміцца з патэнцыйнымі партнёрамі, але і загадзя папрацаваць са сваёй ідэяй, падрыхтаваць пітч і прыйсці на нэтворкінг ужо з больш канкрэтнай прапановай.

Рэгістрацыя адкрыта да 20 верасня, 23:59 (па Варшаве).

Пра вынікі адбору паведамім да 22 верасня.

2. Толькі афлайн-нэтворкінг

Можна далучыцца толькі да сустрэчы 14 кастрычніка ў Варшаве, без удзелу ў анлайн-воркшопах.

Гэты варыянт падыдзе тым, хто ўжо мае досвед, праект, экспертызу або проста хоча пазнаёміцца з іншымі ўдзельнікамі і знайсці магчымасці для супрацоўніцтва.

Рэгістрацыя адкрыта да 6 кастрычніка, 23:59 (па Варшаве).

Пра вынікі адбору паведамім да 8 кастрычніка.

Хто можа ўдзельнічаць?

Мы запрашаем прадстаўнікоў беларускіх культурніцкіх арганізацый і ініцыятыў, журналістаў і прадстаўнікоў медыя, блогераў, незалежных аўтараў, кантэнт-крыэйтараў, культурных менеджараў і іншых людзей, якія ствараюць культурныя або медыйныя праекты, працуюць з кантэнтам ці маюць ідэю патэнцыйнай калабарацыі.

Удзел бясплатны. Для ўдзельнікаў афлайн-нэтворкінгу магчыма пакрыццё выдаткаў на дарогу наземным транспартам з іншых гарадоў Польшчы, а таксама з Літвы ці Германіі.

Падрабязная праграма і іншыя арганізацыйныя дэталі будуць дасланыя адабраным удзельнікам.

Для нас важная бяспека ўдзельнікаў, таму праграма праходзіць у закрытым фармаце і прадугледжвае папярэднюю верыфікацыю.

РЭГІСТРАЦЫЯ