Праграма «Асновы выкарыстання штучнага інтэлекту ў рэдакцыі» ад Women in News (дэдлайн — 16 лютага)
1 лютага 2024
Women in News, праект Сусветнай арганізацыі выдаўцоў газет і навін (WAN-IFRA), і яго праграма Digital ABCs прымае заяўкі на курс «Асновы выкарыстання штучнага інтэлекту ў рэдакцыі».
Праграма разлічана на рэдактараў і медыяменеджараў, якія добра валодаюць англійскай мовай. Падавацца могуць як жанчыны, так і мужчыны.
Удзельнікі будуць вывучаць асновы і выкарыстанне генератыўнага штучнага інтэлекту ў навінавых медыях. Курс садзейнічае абмену досведам і наладжванню кантактаў паміж СМІ ў краінах Еўрапейскага суседства: Арменіі, Беларусі, Грузіі, Малдове і Украіне.
На працягу 9 тыдняў адбудзецца пяць заняткаў. Пасля выканання выніковага задання ўдзельнікі змогуць падаць заяўкі на грант DT-Global у другім квартале 2024 года. Максімальная сума фінансавання — 15 000 еўра.
Акрамя таго, лепшая прапанова ў кожным рэгіянальным аддзяленні будзе адпраўлена ў Капенгаген для ўдзелу ў Кангрэсе навінавых СМІ WAN-IFRA, які адбудзецца 27–29 мая 2024 года.
Заяўкі прымаюцца да 16 лютага 2024 года.
Па дадатковых пытаннях пішіце на пошту info@womeninnews.org
@bajmedia
Блогерка Данута Хлусня: Я заўсёды старалася нават у цяжкія моманты дадаваць сатыру і гумар у ролікі
12.08.2026
«Экстрэмісцкі» спіс Мінінфарма: польскі каталіцкі часопіс Gość Niedzielny і Telegram-канал «Говорит Витебск»
24.08.2026
«Нацыянальнасць — беларуска»: гісторыя акторкі і адной з першых беларускіх перформерак Эмы Залкінд
15.08.2026
«Медиазона. Беларусь» будзе штодня абнаўляць звесткі з базы міждзяржаўнага крымінальнага вышуку
26.08.2026
