Пражскі грамадзянскі цэнтр шукае спецыяліста па пашырэнні ахопу і рабоце з партнёрамі (дэдлайн — 22 ліпеня)

Вакансія ў Празе (Чэхія) для дасведчаных прафесіяналаў.

Асновай гэтай пазіцыі з’яўляецца стварэнне тэкстаў, напісанне і прадстаўленне інфармацыі. Будучы супрацоўнік павінен умець перадаць складаныя пытанні простымі спосабамі і мець здольнасць адаптаваць паведамленні ў залежнасці ад аўдыторыі.

Асноўныя патрабаванні:

• выдатная пісьмовая і вусная англійская мова; 
• здольнасць апрацоўваць вялікія аб’ёмы інфармацыі і ствараць прывабны, пераканаўчы тэкст;
• цікаўнасць і/ці разуменне палітычнага і сацыяльнага кантэксту Усходняй Еўропы і Цэнтральнай Азіі – пажаданы пэўны досвед працы ў рэгіёне;
• выдатныя навыкі міжасобасных зносін, самаарганізацыя, захаванне дэдлайнаў.

Заяўкі прымаюцца да 22 ліпеня 2024 года.

Каб падаць заяўку, трэба запоўніць форму

Неабходна далучыць да заяўкі рэзюмэ на англійскай мове (у фармаце PDF), матывацыйны ліст і не больш за два ўзоры артыкулаў.

Пражскі грамадзянскі цэнтр падтрымлівае і пашырае магчымасці грамадзянскай супольнасці і незалежных СМІ ва Усходняй Еўропе і Цэнтральнай Азіі. Праца арганізацыі накіравана на тое, каб актывісты і журналісты з самых рэпрэсіўных краін рэгіёну атрымалі неабходную падтрымку.