«30 да 30» — прэмія International News Media Association для маладых журналсітаў (дэдлайн — 28 чэрвеня)
15 красавіка 2024
Беларуская асацыяцыя журналістаў
Міжнародная асацыяцыя навінавых СМІ (International News Media Association, INMA) прымае заяўкі на прэмію «30 да 30». Узнагароды ўручаюцца маладым спецыялістам навіннай індустрыі за выдатныя дасягненні і кар’ерны патэнцыял.
INMA абярэ 30 журналістаў ва ўзросце да 30 гадоў — узыходзячых зорак навінавых СМІ:
- маладых рэпарцёраў, якія рана дабіліся значных кар’ерных дасягненняў;
- журналістаў, што дэманструюць здольнасць да інавацый і поспехі ў кіраванні рэкламай, працай з аўдыторыяй, бізнес-аналітыкай, кантэнтам і прадуктам;
- спецыялістаў, якія выконваюць лідарскія функцыі ў медыякампаніях.
Пераможцы атрымаюць сертыфікат, бэйдж для сацыяльных сетак, бясплатны доступ да двух віртуальных майстар-класаў INMA і 12-месячнае сяброўства ў INMA (для кандыдатаў, якія не з’яўляюцца членамі асацыяцыі).
Удзел у конкурсе бясплатны. Заяўкі прымаюцца да 28 чэрвеня 2024 года.
Патрабаванні да кандыдатаў:
- быць супрацоўнікам навінавых медыяў;
- быць маладзейшым за 30 гадоў на 1 верасня 2024 года;
- прадэманстраваць досвед і дасягненні ў кар’еры, крэатыўнасць, лідарскі патэнцыял і здольнасць уплываць на індустрыю СМІ.
Больш інфармацыі пра конкурс — па спасылцы
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
Больш матэрыялаў
Сайт «Нашай Нівы» з’явіўся ў пераліку «экстрэмісцкіх матэрыялаў»
07.06.2023
У суботу — анлайн-марафон салідарнасці «Нам не ўсё адно!» Сабраныя грошы пойдуць на падтрымку палітвязням і іх родным
28.07.2023
На ўдзельнікаў трансляцыі марафону салідарнасці з палітвязнямі МУС завяло крымінальную справу
03.10.2023
Фанаты «Арсенала» заступіліся за беларускага журналіста. Пра лёс Юрыя Ганцарэвіча ім распавяла заўзятарка «Манчэстэр Юнайтэд»
08.05.2024